توقاەۆ: "90 ميلليارد دوللار بار"

ء"بىز كوروناۆيرۋستىڭ جاھاندىق ەكونوميكاعا اسا قاتتى اسەر ەتىپ تۇرعانىنا كۋامىز. شىن مانىندە، الەمنىڭ بارلىق ەكونوميكالىق جۇيەسىن قايتا فورماتتاۋ تۋرالى ءسوز بولىپ وتىر. قازاقستان وسى ۇلكەن داعدارىستىڭ اسەرىن باستان كەشىپ جاتىر. الايدا وسى ەكونوميكالىق كاتاكليزمدەرگە قاراماستان، ءبىز الەۋمەتتىك شيەلەنىس پەن جۇمىسسىزدىققا جول بەرمەۋ ءۇشىن بارلىق قاجەتتى شارانى قابىلدايمىز", - دەدى توقاەۆ.

پرەزيدەنتتىڭ ايتۋىنشا، قازاقستاننىڭ حالىقارالىق رەزەرۆتەرى شامامەن 90 ميلليارد دوللارعا جەتتى. بۇل قاراجات – ەكونوميكالىق تۇراقتىلىقتىڭ نەگىزى. سونىڭ ەسەبىنەن مەملەكەت ءوزىنىڭ الەۋمەتتىك مىندەتتەرىن اتقاراتىن بولادى.

ء"بىز بيۋدجەت قارجىسىن جۇمىسپەن قامتۋ مەن بيزنەستى دامىتۋ جاعىنان ناقتى ناتيجە بەرەتىن باعىتتارعا جۇمسايتىن بولامىز. وتاندىق كاسىپكەرلەردى قولداۋ مەن جاڭا جۇمىس ورىندارىن قۇرۋعا كەم دەگەندە 300 ميلليارد تەڭگە بولىنەدى. بيزنەستى كرەديتتەۋ دەڭگەيىن تومەندەتۋگە بولمايدى. سوندىقتان ىشكى نارىقتى تولتىرىپ، ءوندىرىستى ىنتالاندىرۋ ءۇشىن "قاراپايىم زاتتار ەكونوميكاسى" باعدارلاماسىن قارجىلاندىرۋ كولەمى ارتادى", - دەپ اتاپ كورسەتتى توقاەۆ.

مەملەكەت باسشىسى قازىرگى جاعدايدا باعانى الىپ-ساتارلىق ادىسپەن كوتەرۋگە جول بەرىلمەيتىنىن جەتكىزدى. وسى ورايدا پرەزيدەنت بارلىق اكىمگە باعا ماسەلەسىن قاتاڭ باقىلاۋدا ۇستاۋدى تاپسىردى.

Sputnik.