Memleket basşysy äleumettık şielenıs pen jūmyssyzdyqqa jol bermeu üşın barlyq qajettı şara qabyldanatynyn atap öttı.
Qazaqstannyŋ halyqaralyq rezervterı 90 milliard dollarǧa jettı. Būl turaly Qazaqstan prezidentı Qasym-Jomart Toqaev mälımdedı.
"Bız koronavirustyŋ jahandyq ekonomikaǧa asa qatty äser etıp tūrǧanyna kuämız. Şyn mänınde, älemnıŋ barlyq ekonomikalyq jüiesın qaita formattau turaly söz bolyp otyr. Qazaqstan osy ülken daǧdarystyŋ äserın bastan keşıp jatyr. Alaida osy ekonomikalyq kataklizmderge qaramastan, bız äleumettık şielenıs pen jūmyssyzdyqqa jol bermeu üşın barlyq qajettı şarany qabyldaimyz", - dedı Toqaev.
Prezidenttıŋ aituynşa, Qazaqstannyŋ halyqaralyq rezervterı şamamen 90 milliard dollarǧa jettı. Būl qarajat – ekonomikalyq tūraqtylyqtyŋ negızı. Sonyŋ esebınen memleket özınıŋ äleumettık mındetterın atqaratyn bolady.
"Bız biudjet qarjysyn jūmyspen qamtu men biznestı damytu jaǧynan naqty nätije beretın baǧyttarǧa jūmsaityn bolamyz. Otandyq käsıpkerlerdı qoldau men jaŋa jūmys oryndaryn qūruǧa kem degende 300 milliard teŋge bölınedı. Biznestı kreditteu deŋgeiın tömendetuge bolmaidy. Sondyqtan ışkı naryqty toltyryp, öndırıstı yntalandyru üşın "Qarapaiym zattar ekonomikasy" baǧdarlamasyn qarjylandyru kölemı artady", - dep atap körsettı Toqaev.
Memleket basşysy qazırgı jaǧdaida baǧany alyp-satarlyq ädıspen köteruge jol berılmeitının jetkızdı. Osy oraida prezident barlyq äkımge baǧa mäselesın qataŋ baqylauda ūstaudy tapsyrdy.
Sputnik.
