حح عاسىردىڭ ۇزدىك روماندارىنىڭ ءبىرى سانالاتىن "وبا" تۋىندىسىن ساتىپ الۋشىلار سانى كۇن وتكەن سايىن ارتىپ كەلەدى، دەپ جازادى Massaget.kz.
البەر كاميۋ شىعارماسىنا دەگەن قىزىعۋشىلىق كوروناۆيرۋستىڭ تارالۋىمەن تىعىز بايلانىستى.
ساتىلىمنىڭ فرانتسياداعى شەگى قاڭتار ايىندا 1700 ەكزەمپلياردى قۇراعان. بۇعان قاتىستى Edistat كومپانياسى مىناداي گرافيك ۇسىنىپ وتىر:
ال كوروناۆيرۋستىڭ ەۋروپاداعى وشاعىنا اينالىپ ۇلگەرگەن يتاليادا ونىڭ ساتىلىمى بىردەن ءۇش ەسە ارتقان ەكەن. اتالعان ەلدەگى ونلاين-دۇكەندەردە بۇل كىتاپ ەڭ ءجيى ساتىلاتىن تاۋارلار تىزىمىندە 6-شى ورىنعا كوتەرىلگەن.
ەستەرىڭىزگە سالا كەتەيىك، البەر كاميۋدىڭ "وباسى" 1944 جىلى جارىققا شىققان. رومان سيۋجەتى الجيردەگى وران قالاسىندا ءوربيدى. كىتاپتا ىندەت ادامزات الدىنان شىعاتىن بارلىق زۇلىمدىقتىڭ سيمۆولى رەتىندە بەرىلگەن.
