28 قىركۇيەكتە كوكشەتاۋ بالالار اۋرۋحاناسىنىڭ جانساقتاۋ بولىمىندە 1,5 جاسار ءسابي قايتىس بولدى. ونىڭ اتا-اناسى ءدىني سەنىمگە بايلانىستى بالاسىنا قان قۇيدىرماي قويعان، دەپ حابارلايدى «ادىرنا» ۇلتتىق پورتالى.
Qazaqstan Media اقپاراتىنا سۇيەنسەك، 24 قىركۇيەك كۇنى بالا «اۆيتسەننا-بۋراباي» بولىمشەسىنەن كوپسالالى وبلىستىق بالالار اۋرۋحاناسىنىڭ انەستەزيولوگيا جانە رەانيماتسيا بولىمىنە اۋىستىرىلعان.
دارىگەر مالىمەتىنشە، بالا 2022 جىلى تۋعان، 1 جاس 8 ايلىق. دياگنوزى – اۋىر دارەجەدەگى ەكى جاقتى پنەۆمونيا. اسقىنۋ سەپسيس، سپون (ۋىتتى كارديت، گەپاتيت، نەفريت), ەكىنشى دارەجەلى كوما، تسەرەبرالدى ءىسىنۋ، كورۋ جۇيكە تالشىقتارىنىڭ ءىسىنۋى.
بەلگىلى بولعانداي، بالانىڭ اتا-اناسى مەديتسينالىق كومەككە دەر كەزىندە جۇگىنبەگەن. پاتسيەنت كەلىپ تۇسكەن كۇنى UMC «انا مەن بالا ۇلتتىق عىلىمي ورتالىعىنىڭ» شتاتتان تىس باس بالالار رەانيماتولوگىمەن كەڭەس وتكىزىلىپ، بالاعا قان قۇيۋ ۇسىنىلعان. بۇل پروتسەدۋرانى جۇرگىزۋ ءۇشىن كامەلەتكە تولماعان بالانىڭ زاڭدى وكىلدەرىنىڭ كەلىسىمى تالاپ ەتىلگەن.
«ادىرنا» ۇلتتىق پورتالى
ۇقساس جاڭالىقتار
