كوروناۆيرۋسقا بايلانىستى ازەربايجان، يران ەلدەرىنىڭ ازاماتتارىنا قازاقستانعا كىرۋگە تىيىم سالىنادى. بۇل تۋرالى سىرتقى ىستەر ءمينيسترى مۇحتار تىلەۋبەردى مالىمدەدى، - دەپ حابارلايدى Tengrinews.kz تىلشىسى.
"بۇگىندە قىتايدان 480 قازاقستاندىق ەۆاكۋاتسيالاندى. قىتايعا كۇندەلىكتى اۆيارەيستەر، تەمىرجول قوزعالىسى مەن جولاۋشىلار تاسىمالى توقتاتىلدى. 2020 جىلدىڭ 3 اقپانىنان باستاپ قىتاي ازاماتتارىنا ۆيزا بەرۋ توقتاتىلدى. 5 ناۋرىزدان باستاپ ازەربايجان مەن يران ەلدەرىنە قازاقستانعا كىرۋگە تىيىم سالىنادى", - دەدى تىلەۋبەردى ۇكىمەت وتىرىسى بارىسىندا.
مينيستر ۆيرۋس دەڭگەيى جوعارى ەلدەرگە بارماۋعا كەڭەس بەرەدى.
ەسكە سالايىق، قىتاي بيلىگى 2019 جىلى 31 جەلتوقساندا دۇنيەجۇزىلىك دەنساۋلىق ساقتاۋ ۇيىمىنا ۋحان قالاسىندا بەلگىسىز ۆيرۋستىڭ تاراي باستاعانىن حابارلاعان ەدى. ماماندار ۋحان قالاسىنداعى تەڭىز ونىمدەرى بازارىنان الىنعان سىنامالاردى زەرتتەپ، ۆيرۋستىڭ قايناركوزى سول بازاردا ساتىلعان جابايى جانۋارلار بولعانىن انىقتاعان.
