بۇل تۋرالى قازاقستان پرەزيدەنتى قاسىم-جومارت توقاەۆ Informburo-عا بەرگەن سۇحباتىندا مالىمدەدى.
توقاەۆ جامبىل وبلىسى قورداي اۋدانىنداعى جاپپاي قاقتىعىسقا قاتىستى تۇسىنىكتەمە بەردى. "ەرتەڭ، 1 ناۋرىز، مەن جۇمىس ساپارىمەن جامبىل وبلىسىنا بارامىن. قورداي اۋدانىنداعى قازاقتار مەن دۇنگەندەر تۇراتىن اۋىل تۇرعىندارىمەن كەزدەسۋدى جوسپارلاپ وتىرمىن. ءبىز ۇلتارالىق، ەتنوسارالىق قاتىناستار ماسەلەلەرىنە دەگەن كوزقاراسىمىزدى تەرەڭدەپ ويلاۋىمىز كەرەك", - دەپ مالىمدەدى پرەزيدەنت.
ونىڭ ايتۋىنشا، قازاقستان دوستىق پەن كەلىسىمنىڭ اۋماعى بولدى جانە بولادى. ء"بىزدىڭ ۇران: بىرلىك. مۇندا تۇراتىن بارلىق ۇلتتار، ەتنيكالىق توپتار ءبىرتۇتاس ۇلت بولىپ تابىلادى. شەتەلدە ءبىزدى "قازاقتار" دەپ بىلەدى، ويتكەنى ءبىزدىڭ مەملەكەتتىڭ اتاۋىندا وسى ءسوز ەستىلەدى.
«ارينە، قازاقستاندا تۇراقتى تۇراتىن ءاربىر ەتنوستىڭ وزىندىك ەرەكشەلىگىنە قاستاندىق جاساۋ تۋرالى ءسوز بولا المايدى. ولاردىڭ بارلىعى ءوز تىلدەرىن وقىپ-ۇيرەنۋگە جانە قولدانۋعا، مادەنيەتتەردى دامىتۋعا، ادەت-عۇرىپتاردى ساقتاۋعا قۇقىلى.
سونىمەن قاتار، بولاشاقتا ۇلتارالىق قارىم-قاتىناس ءتىلى بولۋعا باعىتتالعان قازاق ءتىلىن جەدەل دامىتۋ قاجەت", - دەپ اتاپ ءوتتى توقاەۆ.
مەملەكەت باسشىسى "الەمدىك عىلىم مەن مادەنيەتتەگى بىلىمگە جول اشقان ورىس ءتىلىنىڭ تاريحي ماڭىزىن" جوققا شىعارمايدى. "قازاقستان تۇرعىندارى ونى جوعارى دەڭگەيدە ءبىلۋى ءتيىس. بۇل بىزگە تەك پايدا", - دەدى ول.
