Bul týraly Qazaqstan Prezıdenti Qasym-Jomart Toqaev Informburo-ǵa bergen suhbatynda málimdedi.
Toqaev Jambyl oblysy Qordaı aýdanyndaǵy jappaı qaqtyǵysqa qatysty túsinikteme berdi. "Erteń, 1 naýryz, men jumys saparymen Jambyl oblysyna baramyn. Qordaı aýdanyndaǵy qazaqtar men dúngender turatyn aýyl turǵyndarymen kezdesýdi josparlap otyrmyn. Biz ultaralyq, etnosaralyq qatynastar máselelerine degen kózqarasymyzdy tereńdep oılaýymyz kerek", - dep málimdedi Prezıdent.
Onyń aıtýynsha, Qazaqstan dostyq pen kelisimniń aýmaǵy boldy jáne bolady. "Bizdiń uran: Birlik. Munda turatyn barlyq ulttar, etnıkalyq toptar birtutas ult bolyp tabylady. Shetelde bizdi "qazaqtar" dep biledi, óıtkeni bizdiń memlekettiń ataýynda osy sóz estiledi.
«Árıne, Qazaqstanda turaqty turatyn árbir etnostyń ózindik ereksheligine qastandyq jasaý týraly sóz bola almaıdy. Olardyń barlyǵy óz tilderin oqyp-úırenýge jáne qoldanýǵa, mádenıetterdi damytýǵa, ádet-ǵuryptardy saqtaýǵa quqyly.
Sonymen qatar, bolashaqta ultaralyq qarym-qatynas tili bolýǵa baǵyttalǵan qazaq tilin jedel damytý qajet", - dep atap ótti Toqaev.
Memleket basshysy "álemdik ǵylym men mádenıettegi bilimge jol ashqan orys tiliniń tarıhı mańyzyn" joqqa shyǵarmaıdy. "Qazaqstan turǵyndary ony joǵary deńgeıde bilýi tıis. Bul bizge tek paıda", - dedi ol.
