بيىل تاۋەلسىزدىگىنىڭ 25 جىلدىعىن اتاپ وتەتىن قازاقستانداعى نەگىزگى شارالار ماڭگى ەلدىڭ - «ءبىر ءتىل، ءبىر ءدىن، ءبىر مورال، ءبىر ەل» ۇستانىمدارى نەگىزىندە ۇلتتىق مەملەكەتتى دامىتاتىن سانالى ۇرپاق تاربيەلەۋ، قوعامداعى بىرلىكتى نىعايتىپ، ءتورت قۇبىلاسى تەڭ وركەنيەتتى ەل قۇرۋ جولىنداعى اتقارىلاتىن ىستەر بولماق.
وسى باعىتتا پرەزيدەنتتىڭ جولداۋلارىندا مىندەتتەلگەن جۇمىستاردىڭ ءبىرازى اتقارىلىپ جاتقانىمەن، ولاردىڭ ءبىر بولىگى تاۋەلسىز ۇلتتىق مەملەكەتتىڭ يدەولوگياسىنان گورى «كوپۇلتتىلىق»، «كوپتىلدىلىك» ت.ب. سياقتى قوعامدى بىرىكتىرۋدەن اۋلاق تىرلىككە اينالۋدا. ءبىز ونى، سانى ءۇش مىڭنان اسقان ءدىني سەكتالار، بەسىكتەن بەلى شىقپاعان سابيلەردىڭ ءتىلىن «ءۇش تۇعىرلى تىلمەن» + (n) اشۋ ت.ب. كورەمىز. وسىنداي، كونستيتۋتسيا مەن پەداگوگيكاعا قايشى ارەكەتتەر، ماڭگى ەل ۇستانىمدارىمەن دە ۇشتاسپاي جاتادى.
ەلدەگى قارەكەتتىڭ بەرەكەتتى بولماۋىنان قازاق تىلىندەگى باق، اقپارات، شىعاتىن باسىلىمدار (ادەبيەت، ونەر، عىلىم، مادەنيەت...) ۇلەسىنىڭ 25%-عا، ال kz-ءتىڭ عالامتورداعى ۇلەسىنىڭ 10%-عا جەتە الماي كەلەدى.
وسى 550 جىلدىققا ارنالعان رەسمي شارالارعا رەسەي، قىتاي، وزبەكستان باسشىلارىنىڭ قاتىسىپ، قۇتتىقتاماۋى – ول قازاقستان تاۋەلسىزدىگىن مويىنداماعانى دەپ ءتۇسىنۋ كەرەك! بۇل مەملەكەتتىك شارانىڭ قسرو-نىڭ العاشقى استاناسى ورىنبوردا جانە شەتتەگى بەس ميلليوننان استام قازاقتاردىڭ اراسىندا كەڭىنەن اتاپ وتىلمەۋى دە ۇلتتىق، مەملەكەتتىك يدەولوگيا مەن مۇددەنى قورعاۋعا كەلگەندە تاباندىلىق تانىتا الماعانىمىزدىڭ كورىنىسى؟!
بىزدەگى مادەنيەتتىڭ «سابينا كەلىن» دەڭگەيىندە قالۋى وسى سالالاردى تۇپكىلىكتى وزگەرتۋدى تالاپ ەتەدى جانە ونى قولعا الىپ جاتقان «نۇروتان» پارتياسىنىڭ ءىسى قۇپتارلىق.
«ناۋرىز» مەيرامىن مادەنيەتتى جان-جاقتى دامىتۋعا پايدالانىپ جانە ەلباسىنىڭ، «داعدارىستار - ول جاڭا مۇمكىندىكتەردىڭ ۋاقىتى» دەگەندى ەسكەرىپ الداعى ناۋرىزدان باستاپ:
- ءبىزدىڭ داۋىرگە دەيىن ەگيپەتتەن قىتايعا دەيىن تاراعان «مۇشەل» ماڭگى كۇنتىزبەسى، ءتاڭىر-ۇماي دۇنيەتانىمى نەگىزىندە قالىپتاسقان ناۋرىزدىڭ كوسموگونياسى، فيلوسوفياسى جانە داستۇرلىك ەرەكشەلىكتەرى مەن شىعىس ونەرى، عىلىمى، مادەنيەتى ت.ب. دامىتۋداعى ءرولىن جان-جاقتى زەرتتەپ، ۋاعىزداۋ ارقىلى قوعامدى جاڭا رۋحاني تازارىپ جاڭعىرتۋ;
- ۇلتتىق ءداستۇردىڭ نەگىزىندە ۇرپاق تاربيەسى مەن ءبىلىمىن جەتىلدىرۋدە ناۋرىزدىڭ مول تاجىريبەسىن پايدالانۋ;
- ەلدەگى بارلىق ۇلت وكىلدەرىن بىرىكتىرىپ، ۇلتارالىق جانە دىنارالىق سەنىمدى ارتتىراتىن ۇلتتىق مەملەكەتتىڭ جۇيەلى يدەولوگياسىن جەتىلدىرۋ;
- ناۋرىزدا قالىپتاسقان ءداستۇر بويىنشا ءار ءۇي، كوشە، اۋدان... ەل بويىنشا تازالىق شارالارىن جۇرگىزىپ، ارىقتاردى اشىپ اعاشتار وتىرعىزۋ، جاسىلداندىرۋ، ءۇي جانە جابايى جانۋارلاردى قورعاۋ، قالالاردى ەكولوگيالىق تازا ايماققا اينالدىرۋ ت.ب. شارالاردى ىسكە اسىرۋ;
- كوپ جەرلەردە ناۋرىز مەيرامى مادەني-داستۇرلىك شارادان گورى، ەستەتيكالىق تالعامى تومەن «وت باسى، وشاق قاسىنا»، ال كيىز ءۇيدىڭ اسحاناعا... اينالعانى جاسىرىن ەمەس;
- وتكەن جىلعى «وڭتۇستىك وڭىردە وتكەن ناۋرىزدى بارلىق وبلىستارعا ۇلگى ەتىپ الۋ قاجەتتىگى» تۋرالى پرەزيدەنتتىڭ ۇسىنىسىن ىسكە اسىرۋ قاجەت دەپ سانايمىز;
- سوڭعى جىلدارى قازاقستان مادەنيەتى مەن عىلىمى جەتىستىكتەرىن بۇۇ، يۋنەسكو، فرانتسيادا ۋاعىزداعان ينستيتۋت پەن ۇيىمداستىرۋ القاسىنىڭ جانىنان قۇرىلعان تۆورچەستۆولىق توپ ء(تىزىمى قوسىمشا) ناۋرىز بەن مادەني شارالار جوباسىن ىسكە اسىرۋعا اتسالىساتىنىن حابارلايمىز;
- ول جوبا ىسكە اسۋ ءۇشىن ءار وبلىس (الماتى، استانا), ۇلتتىق كومپانيالار مەن توپ-100 كىرەتىن كومپانيالار ارقايسىسى جىلىنا 10-20 ءتۇرلى رۋحاني-الەۋمەتتىك-عىلىمي كىتاپتاردى (اۋدارما دا كىرەدى) جانە ءبىر مۋلتفيلم نە دوكۋمەنتالدى ءفيلمدى شىعارۋدى قارجىلاندىرۋى قاجەت;
- تۆورچەستۆولىق توپ:
ا. ناۋرىزدىڭ تەلەارنالىق، بالا-باقشا مەن مەكتەپ ت.ب. ستسەناريلەرىن دايىنداپ، ولاردى اتقارۋشى ورگاندارمەن بىرگە ۋاقىتىلى وتكىزۋ;
ءا. جوسپارلانعان كىتاپ، جورنال، ديسك، فيلمدەر شىعارىپ، ولاردى تۆ، عالامتور ت.ب. ارقىلى تاراتۋدى قامتاماسىز ەتۋ;
ب. 2016 جىلى رف، قحر جانە وزبەكستاندا عىلىمي-كونفەرەنتسيالار، كونتسەرت، ايتىس ت.ب. شارالار وتكىزۋ;
اس ءىشىپ، اياق بوساتار مەرەكە ەمەس، رۋحاني جاڭعىرۋعا باستايتىن جىل باسى رەتىندە كەلەسى كەلەتىن ناۋرىز مەيرامىنا شەيىن وسى اتالعان شارالار ىسكە اسۋى جانە جالعاسىن تابۋى كەرەك.
حالىقارالىق ادام ينستيتۋتى
