«شىعىس» وڭىرلىك قولباسشىلىعى گارنيزوندارىندا بالالار اراسىندا جارىستار ءوتتى

2887
Adyrna.kz Telegram

«شىعىس» وڭىرلىك قولباسشىلىعى گارنيزوندارىندا اسكەري قىزمەتشىلەردىڭ بالالارى اراسىندا 2020 وقۋ جىلىنا ارنالعان نەگىزگى سپورتتىق-بۇقارالىق ءىس-شارالار جوسپارىنا سايكەس ۇستەلدەگى تەننيستەن، قازاق كۇرەسىنەن جانە تاەكۆان-دودان جارىستار وتكىلدى. 

جارىس وسكەلەڭ ۇرپاقتىڭ دەنە شىنىقتىرۋ دايىندىعىنىڭ دەڭگەيىن ارتتىرۋ، وتانعا دەگەن سۇيىسپەنشىلىك پەن پاتريوتتىق سەزىمدى قالىپتاستىرۋ، سونداي-اق بالالار مەن اسكەري قىزمەتشىلەردىڭ باسقا دا وتباسى مۇشەلەرىن سپورتپەن اينالىسۋعا تارتۋ بويىنشا جۇمىستى جانداندىرۋ ماقساتىندا وتكىزىلدى.

250-دەن استام جاس سپورتشى «قازاق كۇرەسىنەن» 4 سالماق دارەجەسىندە جانە «تاەكۆان-دودان» 4 سالماق دارەجەسىندە جانە ۇستەل تەننيسىنەن اسكەري قىزمەتشىلەردىڭ بالالارى اراسىنداعى سپارتاكيادانىڭ ەكىنشى كەزەڭىنە ءوتۋ ءۇشىن سايىسقا ءتۇستى. 

جارىسقا 12-14 جاس (2005-2007ج.د.ك.) ارالىعىنداعى بالالار قاتىستى، ولار اسكەري بولىمدەردىڭ دەنە دايارلىعى جانە سپورت باستىقتارىنىڭ باسشىلىعىمەن گارنيزونداردىڭ سپورت كەشەندەرى جانىنداعى سەكتسيالاردا تۇراقتى شۇعىلدانۋى نەگىزگى شارتتاردىڭ ءبىرى بولدى.

ەستەرىڭىزگە سالا كەتسەك، 2020 جىلدىڭ ناۋرىز ايىندا الماتى قالاسىندا ارميانىڭ ورتالىق سپورت كلۋبىنىڭ وقۋ-جاتتىعۋ ورتالىعى بازاسىندا قر قك اسكەري گانيزوندارىنداعى اسكەري قىزمەتشىلەردىڭ بالالارى اراسىنداعى سپارتاكيادانىڭ ەكىنشى كەزەڭى وتەدى.

«شىعىس» وڭىرلىك قولباسشىلىعىنىڭ ءباسپاسوز قىزمەتى

پىكىرلەر