«Shyǵys» óńirlik qolbasshylyǵy garnızondarynda áskerı qyzmetshilerdiń balalary arasynda 2020 oqý jylyna arnalǵan negizgi sporttyq-buqaralyq is-sharalar josparyna sáıkes ústeldegi tennısten, qazaq kúresinen jáne taekvan-dodan jarystar ótkildi.
Jarys óskeleń urpaqtyń dene shynyqtyrý daıyndyǵynyń deńgeıin arttyrý, Otanǵa degen súıispenshilik pen patrıottyq sezimdi qalyptastyrý, sondaı-aq balalar men áskerı qyzmetshilerdiń basqa da otbasy múshelerin sportpen aınalysýǵa tartý boıynsha jumysty jandandyrý maqsatynda ótkizildi.
250-den astam jas sportshy «qazaq kúresinen» 4 salmaq dárejesinde jáne «taekvan-dodan» 4 salmaq dárejesinde jáne ústel tennısinen áskerı qyzmetshilerdiń balalary arasyndaǵy spartakıadanyń ekinshi kezeńine ótý úshin saıysqa tústi.
Jarysqa 12-14 jas (2005-2007j.d.k.) aralyǵyndaǵy balalar qatysty, olar áskerı bólimderdiń dene daıarlyǵy jáne sport bastyqtarynyń basshylyǵymen garnızondardyń sport keshenderi janyndaǵy sekııalarda turaqty shuǵyldanýy negizgi sharttardyń biri boldy.
Esterińizge sala ketsek, 2020 jyldyń naýryz aıynda Almaty qalasynda Armııanyń ortalyq sport klýbynyń oqý-jattyǵý ortalyǵy bazasynda QR QK Áskerı ganızondaryndaǵy áskerı qyzmetshilerdiń balalary arasyndaǵy spartakıadanyń ekinshi kezeńi ótedi.
«Shyǵys» óńirlik qolbasshylyǵynyń baspasóz qyzmeti
