باقىتبەك سماعۇل: قورداي قاقتىعىسىنا ءابليازوۆتىڭ قاتىسى بولۋى مۇمكىن  

3622

"ازاتتىق رۋحىنىڭ" "ازات الاڭىندا"  ءماجىلىس دەپۋتاتى باقىتبەك سماعۇل وسىنداي مالىمدەمە جاسادى.

باقىتبەك سماعۇل بۇگىنگى سۇحباتتا قوردايداعى قاقتىعىسقا قاتىستى ەش جەردە ايتپاعان تىڭ دەرەكتەرىمەن ءبولىستى. ۇكىمەتتىك كوميسسيانىڭ مۇشەسى رەتىندە جانجال بولعان اۋىلداردى ارالاپ شىققان دەپۋتات بۇل وقيعاعا قاشقىنداعى بانكير مۇحتار ءابليازوۆ پەن ونىڭ جاقتاستارىنىڭ قاتىسى بولۋى مۇمكىن دەپ قاۋىپتەنەدى.

«ءابليازوۆتىڭ ادامدارى جوق دەپ كىم ايتادى؟  ونىڭ اسەرى بولمادى دەپ كىم ايتادى؟ ول ء(ابليازوۆ - رەد) وتانعا جات پيعىلداعى ادام ەمەس پە؟  بىزگە كەدەرگى جاساپ وتىرعانى جاسىرىن با؟ ەگەر انا جاقتا وتىرىپ، شاقىرىپ وتىرسا، ونى جەلىدەن كورسەتىپ وتىرسا؟»، - دەدى دەپۋتات.

سونداي-اق، باقىتبەك سماعۇل حالىقارالىق دۇنگەندەر قاۋىمداستىعىنىڭ مالىمدەمەسىنە جاۋاپ بەردى. ءتىپتى  قورداي اۋدانى اكىمى بولۋعا لايىقتى ادامنىڭ اتى-ءجونىن اتادى. سونىمەن قاقتىعىستىڭ سەبەپتەرى مەن سالدارى، ماسانشى، قاراكەمەر، سورتوبە، اۋقاتتى اۋىلدارىنداعى  الەۋمەتتىك جاعداي مەن قۇقىق قورعاۋ ورگاندارىنىڭ قاتەلىگى «ازات الاڭنىڭ» بۇگىنگى شىعارىلىمىندا.

 

 

پىكىرلەر