"Azattyq rýhynyń" "Azat alańynda" Májilis depýtaty Baqytbek Smaǵul osyndaı málimdeme jasady.
Baqytbek Smaǵul búgingi suhbatta Qordaıdaǵy qaqtyǵysqa qatysty esh jerde aıtpaǵan tyń derekterimen bólisti. Úkimettik komıssııanyń múshesi retinde janjal bolǵan aýyldardy aralap shyqqan depýtat bul oqıǵaǵa qashqyndaǵy bankır Muhtar Áblıazov pen onyń jaqtastarynyń qatysy bolýy múmkin dep qaýiptenedi.
«Áblıazovtyń adamdary joq dep kim aıtady? Onyń áseri bolmady dep kim aıtady? Ol (Áblıazov - red) otanǵa jat pıǵyldaǵy adam emes pe? Bizge kedergi jasap otyrǵany jasyryn ba? Eger ana jaqta otyryp, shaqyryp otyrsa, ony jeliden kórsetip otyrsa?», - dedi depýtat.
Sondaı-aq, Baqytbek Smaǵul halyqaralyq dúngender qaýymdastyǵynyń málimdemesine jaýap berdi. Tipti Qordaı aýdany ákimi bolýǵa laıyqty adamnyń aty-jónin atady. Sonymen qaqtyǵystyń sebepteri men saldary, Masanshy, Qarakemer, Sortóbe, Aýqatty aýyldaryndaǵy áleýmettik jaǵdaı men quqyq qorǵaý organdarynyń qateligi «Azat alańnyń» búgingi shyǵarylymynda.
