وتىن جانە قىزمەتتەر باعاسىنىڭ ءوسىمى قازاقستانداعى ينفلياتسياعا اسەر ەتتى، دەدى ۇلتتىق بانك توراعاسىنىڭ ورىنباسارى دەپ حابارلايدى "ادىرنا" "سپۋتنيككە" سىلتەمە جاساپ.
قاڭتاردا جىلدىق ينفلياتسيا 5,6% قۇرادى. ازعانتاي ءوسىم رەتتەلەتىن قىزمەتتەر مەن بەنزين باعاسى تاراپىنان كورسەتىلگەن قىسىمنىڭ سالدارى بولدى، دەپ مالىمدەدى قازاقستان رەسپۋبليكاسى ۇلتتىق بانكى توراعاسىنىڭ ورىنباسارى اقىلجان بايماعامبەتوۆ.
"ازىق-تۇلىكتىك ەمەس جىلدىق ينفلياتسيا 5,2% قۇرادى (وتكەن ايدا 5% بولعان). بۇل اكتسيزدەردىڭ ارتۋىنا بايلانىستى بەنزيننىڭ قىمباتتاۋى ەسەبىنەن بولدى. كولىك قىزمەتتەرى جانە ەلەكتر قۋاتى باعاسىنىڭ ءوسىمى اقىلى قىزمەتتەر ينفلياتسياسىنىڭ ۇلعايۋىنا ىقپال ەتتى (ينفلياتسيا 2019 جىلدىڭ جەلتوقسانىنداعى 0,7%-تەن 1,4%-كە دەيىن ارتتى)", - دەدى ۇلتتىق بانك توراعاسىنىڭ ورىنباسارى.
ال ازىق-تۇلىكتىك ينفلياتسيا قاڭتاردا باياۋلادى. بۇعان جەمىس-جيدەك، كوكونىس، ەت، ەت ونىمدەرى، نان-توقاش ونىمدەرى، جارما، بالىق، ماي باعاسى ءوسىمى قارقىنىنىڭ تومەندەۋى اسەر ەتتى. وسىلايشا، 2020 جىلى ازىق-تۇلىكتىك ينفلياتسيا باياۋلاي تۇسەدى دەپ بولجانىپ وتىر.