وزبەكستاندا مەكتەپ وقۋشىلارىنىڭ كيىمى مەن سىرتقى كەلبەتىنە قاتىستى تالاپتار بەكىتىلدى. بۇدان بىلاي ساباققا كەلگەن قىز بالالاردىڭ شاشى مىندەتتى تۇردە قوس بۇرىم بولىپ ءورىلۋى كەرەك.
Vesti.uz-دىڭ حابارلاۋىنشا، مۇنداي بۇيرىقتى رەسپۋبليكانىڭ حالىققا ءبىلىم بەرۋ مينيسترلىگى شىعاردى. بۇل قۇجاتقا سايكەس، ەندى وقۋشىلار اشەكەي بۇيىمدارى مەن كوسمەتيكانى قولدانباۋعا ءتيىس. قىز بالالار تىم قىسقا دا، تىم ۇزىن دا، تىم كەڭ دە ەمەس كويلەك كيۋى قاجەت. ۇلداردىڭ شاش قويۋىنا رۇقسات بەرىلمەيدى جانە ولاردىڭ گالستۋك تاعۋى مىندەتتى. ءبىلىم سالاسىنىڭ شەنەۋنىكتەرى بۇل تالاپتاردى ەسكەرمەگەندەرگە قانداي شارا قولدانىلاتىنىن ازىرشە جاريا ەتە قويعان جوق.
