Ózbekstanda mektep oqýshylarynyń kıimi men syrtqy kelbetine qatysty talaptar bekitildi. Budan bylaı sabaqqa kelgen qyz balalardyń shashy mindetti túrde qos burym bolyp órilýi kerek.
Vesti.uz-dyń habarlaýynsha, mundaı buıryqty respýblıkanyń halyqqa bilim berý mınıstrligi shyǵardy. Bul qujatqa sáıkes, endi oqýshylar áshekeı buıymdary men kosmetıkany qoldanbaýǵa tıis. Qyz balalar tym qysqa da, tym uzyn da, tym keń de emes kóılek kııýi qajet. Uldardyń shash qoıýyna ruqsat berilmeıdi jáne olardyń galstýk taǵýy mindetti. Bilim salasynyń sheneýnikteri bul talaptardy eskermegenderge qandaı shara qoldanylatynyn ázirshe jarııa ete qoıǵan joq.
