تانىمال اكتەر 16 جىلعا سوتتالدى

3471
Adyrna.kz Telegram

«عاجايىپ عاسىر» تەلەحيكاياسى ارقىلى تانىمال بولعان تۇرىك اكتەرى جانە ءانشى ادنان كوچ  پوليتسياعا قارۋلى قارسىلىق كورسەتۋ، كەپىلگە الۋ جانە اتىس قارۋىن زاڭسىز ساقتاۋ سياقتى بىرنەشە ايىپپەن 16 جىل سەگىز ايعا باس بوستاندىعىنان ايىرىلدى، - دەپ حابارلايدى Cumhuriyet.

كوچ جانە تاعى بەس ايىپتالۋشى 2018 جىلدىڭ ناۋرىز ايىندا ارنايى وپەراتسيا كەزىندە ۇستالعان. ولار قارۋلى قارسىلىق كورسەتىپ، ايعاقتاردى جويىپ، پوليتسيا قىزمەتكەرلەرىن كەپىلگە الىپ، التى پوليتسيا قىزمەتكەرىن جاراقاتتادى.

ستامبۋلدىڭ قىلمىستىق سوتى «قارۋدى زاڭسىز ساقتاۋ»، «دەنە جاراقاتىن كەلتىرۋ»، «پوليتسيا قىزمەتكەرلەرىنە قارۋلى قارسىلىق كورسەتۋ»، «ادامدى كەپىلگە الۋ جانە ۇستاۋ»، «زاڭسىز قاماۋعا الۋ» ايىپتارى بويىنشا ۇكىم شىعاردى.

ادنان كوچ پەن ونىڭ اعاسى احمەت 16 جىل 8 ايعا باس بوستاندىعىنان ايىرىلدى. قالعان ايىپتالۋشىلارعا ءتورت جىل مەن 17 جىلعا دەيىن جازا تاعايىندالدى.

ادنان كوچ «عاجايىپ عاسىر» تەلەحيكاياسىنداعى رولدەرىمەن كەڭ تانىمال بولدى، وندا بەحرام پاشانىڭ رولىندە وينادى.

"ادىرنا" ۇلتتىق پورتالى

 

پىكىرلەر