«Ǵajaıyp ǵasyr» telehıkaıasy arqyly tanymal bolǵan túrik akteri jáne ánshi Adnan Koch polıııaǵa qarýly qarsylyq kórsetý, kepilge alý jáne atys qarýyn zańsyz saqtaý sııaqty birneshe aıyppen 16 jyl segiz aıǵa bas bostandyǵynan aıyryldy, - dep habarlaıdy Cumhuriyet.
Koch jáne taǵy bes aıyptalýshy 2018 jyldyń naýryz aıynda arnaıy operaııa kezinde ustalǵan. Olar qarýly qarsylyq kórsetip, aıǵaqtardy joıyp, polıııa qyzmetkerlerin kepilge alyp, alty polıııa qyzmetkerin jaraqattady.
Stambýldyń qylmystyq soty «qarýdy zańsyz saqtaý», «dene jaraqatyn keltirý», «polıııa qyzmetkerlerine qarýly qarsylyq kórsetý», «adamdy kepilge alý jáne ustaý», «zańsyz qamaýǵa alý» aıyptary boıynsha úkim shyǵardy.
Adnan Koch pen onyń aǵasy Ahmet 16 jyl 8 aıǵa bas bostandyǵynan aıyryldy. Qalǵan aıyptalýshylarǵa tórt jyl men 17 jylǵa deıin jaza taǵaıyndaldy.
Adnan Koch «Ǵajaıyp ǵasyr» telehıkaıasyndaǵy rólderimen keń tanymal boldy, onda Behram pashanyń rólinde oınady.
"Adyrna" ulttyq portaly
