رەسەيدىڭ currenttime.tv ارناسى حابارلاپ وتىرعانداي، قىتايداعى گونكونگ ارنايى اكىمشىلىك اۋماعىندا دارىگەرلەر بيلىككە قارسى نارازىلىق اكتسياسىنا شىقتى. دارىگەرلەر قىتايمەن شەكارانى ۋاقىتشا ەمەس، تولىق جابۋدى تالاپ ەتۋدە.
11 ميلليون حالقى بار ۋحان قالاسى قازىر تولىقتاي كارانتينگە جابىلعان. قىتاي بيلىگى جالپىۇلتتىق قاۋىپسىزدىك شارالارىن ەنگىزدى. گونكونگتا شەكاراداعى وتكىزۋ پۋنكتتەرىنىڭ جارتىسى جابىق. بىراق جەرگىلىكتى دارىگەرلەر كەشەلى بەرى شەكارانىڭ تولىق جابىلۋىن تالاپ ەتىپ، بەس كۇندىك ەرەۋىلگە شىقتى.
ەرەۋىلدى ۇيىمداستىرعان گونكونگ كاسىپوداق مۇشەلەرى ەكەنىن ايتا كەتۋ كەرەك. بۇعان بايلانىستى كاسىپوداق جەتەكشىسى ۆينني يۋ: «ەگەر ۇكىمەت تەز ارەكەت ەتىپ، شەكارانى جاۋىپ تاستاسا، گونكونگتا حالىق اراسىندا ۆيرۋستىڭ ورشۋىنە جول بەرمەۋگە بولادى. ءبىزدىڭ وداق مۇشەلەرىنىڭ كوپشىلىگى بيلىكتىڭ باياۋ رەاكتسياسىنا نارازى»، - دەدى.
"قوسىمشا قاۋىپسىزدىك شارالارىن كورشى ەلدەر دە ەنگىزىپ جاتىر. ەرتەڭنەن باستاپ شەتەلدىكتەر رەسەيدەن قىتايعا كىرە المايدى. بەلارۋس، قازاقستان، ارمەنيا جانە قىرعىزستان، رەسەي ۆيرۋستىڭ بۇل ءتۇرىن اسا قاۋىپتى اۋرۋلار تىزىمىنە ەنگىزدى",- دەدى ول.
