قىتايلىقتار الەمنىڭ قارجى الپاۋىتتارىن الداپ سوعىپ، ءبىر اپتانىڭ ىشىندە 20 ميلليارد دوللار تاۋىپتى! ونىمەن قويماي ءوز مونوپولياسىنداعى اكتسيانىڭ 30 پايىزىن قايتارىپ العان كورىنەدى. تەحنولوگيالىق كومپانيالارداعى اكتسيانىڭ ءبىر بولىگى بۇرىن شەتەلدىك ينۆەستورلاردىڭ، امەريكالىقتار مەن ەۆروپالىقتاردىڭ قولىندا بولعان ەكەن. حيميا مەن اۋىر ونەركاسىپتەن تۇسكەن تابىستىڭ ءبىرازى قىتايدىڭ قازىناسىنا ەمەس، ەۋروپانىڭ قارجى الپاۋىتتارىنىڭ قالتاسىنا بارىپ ءتۇسىپ وتىرىپتى.
ۋحانداعى جاعدايدان كەيىن يۋاننىڭ باعامى بىردەن قۇلدىراپ كەتىپ، ورتالىق بانك ونى قولداۋ ءۇشىن ادەيى تۇك بىتىرمەي قاراپ وتىرادى. قىتايدا ىندەتتەن ساقتانۋ ءۇشىن كيەتىن ماسكا دا قالماپتى دەگەن قاۋەسەت تاراپ، ءوزى ارەڭ وتىرعان حالىقتى ودان بەتەر دۇرلىكتىرىپ جىبەرگەن. وسى كەزدە سي تسزينپين ۋحانداعىلاردى قايتسەك تە قورعاپ قالامىز دەپ وقىس مالىمدەمە جاسايدى. سودان كەيىن قىتايداعى تەحنولوگيالىق كومپانيالاردىڭ اكتسياسىنىڭ باعاسى دا بىردەن قۇلدىراپ، قارجى الپاۋىتتارى ولاردى مۇلدەم قۇنسىزدانىپ كەتپەي تۇرعاندا ساتىپ ۇلگەرمەكشى بولىپ جانتالاسا باستايدى. قىتاي توراعاسى دا سونى كۇتكەندەي ءبىر اپتا بويى ءباسپاسوز ءماسليحاتىندا جىلى جىميىپ قانا جۇرەدى. باعاسى ابدەن ارزانداپ بىتكەندە عانا ەۋروپالىقتار مەن امەريكالىقتاردىڭ قولىنداعى اكتسيانى تەزدەتىپ ساتىپ الىڭدار دەپ بۇيرىق بەرگەن. قارجى الپاۋىتتارى الدانىپ قالعاندارىن سوندا بارىپ ءبىر-اق ءتۇسىنىپتى!
جولىمبەت ماكىش
