بۇگىن قازاقستانعا قىتايدان كەلگەن 4 ادام اۋرۋحاناعا ءتۇستى. ءتاجۆيرۋسى كۇدىگىمەن

20502
Adyrna.kz Telegram

قىتايدان كەلگەن ءتورت ادام ءتاجۆيرۋسى كۇدىگىمەن قازاقستاندا اۋرۋحاناعا ءتۇستى. بۇل تۋرالى دەنساۋلىق ساقتاۋ مينيسترلىگىنىڭ باسشىسى ەلجان ءبىرتانوۆ مالىمدەدى، - دەپ حابارلايدى Tengrinews.kz .

"بۇگىندە قحر-دان ءبىزدىڭ ەلگە 25 858 ادام كەلدى، بۇل قازاقستان جانە شەت ەل ازاماتتارى. بارلىق مالىمەتتەر دەنساۋلىق ساقتاۋ مينيسترلىگىنە جانە ارى قاراي تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ارقىلى تۇرعىلىقتى مەكەن-جاي بويىنشا تەكسەرۋدەن ءوتىپ، ازاماتتارمەن بايلانىسى انىقتالادى.  دەنە قىزۋى كوتەرىلگەن 23 ادام كەلگەن، ونىڭ ىشىندە 4-ەۋى جرۆي كۇدىگىمەن اۋرۋحاناعا جاتقىزىلدى. ۆيرۋستى جۇقپالى اۋرۋلاردىڭ اسا ءبىر ايىرماشىلىعىنىڭ بولماۋىنا بايلانىستى، ءبىز جرۆي كۇدىگىمەن جاتقىزامىز", - دەدى دەنساۋلىق ساقتاۋ ءمينيسترى ەلجان ءبىرتانوۆ ۇكىمەتتەگى ءباسپاسوز كونفەرەنتسياسى بارىسىندا.

ءبىرتانوۆ اۋرۋحاناعا جاتقىزىلعانداردان قاجەتتى قان ساراپتامالارى الىنعانى ايتتى.

ء"ۇش تاۋلىك ىشىندە ناقتى دياگنوستيكا شىعادى. قاجەتتى تەراپيا باستالدى", - دەدى ۆەدومستۆو باسشىسى.

پىكىرلەر