قىتايدا كوروناۆيرۋستىڭ جاڭا ءتۇرىنىڭ ورشۋىنە بايلانىستى قازاق-قىتاي شەكاراسىنداعى "قورعاس" شەكاراماڭى ىنتىماقتاستىعى حالىقارالىق ورتالىعىنىڭ جۇمىسى ۋاقىتشا توقتاتىلدى دەپ حابارلايدى "ادىرنا" KAZ.NUR.KZ پورتالىنا سىلتەمە جاساپ.
اسقار مامين كەڭەس قورىتىندىسى بويىنشا بىرقاتار كەشەندى الدىن الۋ شارالارىن قابىلداۋدى جۇكتەدى. سونىڭ ىشىندە "قورعاس" شىحو-نىڭ قازاقستاندىق بولىگىنىڭ جۇمىسىن ۋاقىتشا توقتاتۋ تاپسىرماسى بار.
ەسكە سالا كەتسەك، ولىمگە اكەلەتىن كوروناۆيرۋس قىتايدىڭ بارلىق پروۆينتسيالارىنا تارالعان. ەلدەگى ناۋقاستاردىڭ سانى 1300-گە جەتتى، 40-تان استام ادام جاپا شەكتى.
بۇعان دەيىن ءولىم ۆيرۋسىنىڭ "وتانى" بولعان اسپان استى ەلىنىڭ قالاسىندا كوروناۆيرۋستى جۇقتىرعان بارلىق ناۋقاستار ورنالاستىرىلاتىن ەمحانا سالۋ جوسپارلانىپ وتىرعانى ايتىلدى. مەديتسينالىق مەكەمەنىڭ قۇرىلىسىن 6 كۇندە اياقتاۋ جوسپارلانعان.
ودان بولەك، قىتايدىڭ پاتوگەندىك ميكروورگانيزمدەردى ساقتاۋ ۇلتتىق ۇيىمى كوروناۆيرۋستىڭ جاڭا تۇرىنە قاتىستى اقپارات پەن ونىڭ ەلەكتروندى ميكروسكوپ كومەگىمەن جاسالعان العاشقى سۋرەتىن جاريالادى.
ايتا كەتۋ كەرەك، قازاقستاندا قاۋىپتى ينفەكتسيا وقيعالارى بولعان جوق.
بۇگىن توقاەۆ قىتايداعى كوروناۆيرۋستىڭ ەلىمىزدە تارالۋىنىڭ الدىن الۋدى تاپسىردى.
وسىعان بايلانىستى قازاقستاننىڭ پرەمەر-ءمينيسترى اسقار مامين جيىن وتكىزدى.
