بەلگىلى پەدياتر ەۆگەني كوماروۆسكي قاۋىپتى كوروناۆيرۋستىڭ تارالۋىنا بايلانىستى قىتايدان سالەمدەمە الۋ قاۋىپتى مە دەگەن سۇراققا جاۋاپ بەردى، - دەپ حابارلايدى Tengrinews.kz ءتىلشىسى. كوماروۆسكي Instagram جەلىسىندەگى پاراقشاسىندا ءجيى قويىلاتىن سۇراقتاردىڭ بىرىنە جاۋاپ بەردى: "قىتايدان سالەمدەمە الۋ قاۋىپتى مە؟". "بىرىنشىدەن، ۆيرۋستىڭ سۇتقورەكتىلەر دەنەسىنەن تىس ەكى تاۋلىكتەن ارتىق ءومىر ءسۇرۋ ىقتيمالدىعى از. ەكىنشىدەن، ۆيرۋستىڭ جۇقتىرعىش دوزاسىن زاتتار ارقىلى الۋ مۇمكىندىگى دە وتە از، ءتىپتى تەوريالىق تۇرعىدان دا (جۇقتىرعىش دوزا - اۋرۋ تۋدىرۋى مۇمكىن ميكروورگانيزمدەردىڭ سانى) سولاي", - دەپ جازعان كوماروۆسكي. وسىدان دارىگەر مىناداي قورىتىندى ايتتى: "قىتايدان سالەمدەمەلەر الۋعا بولادى".
ەسكە سالساق، قىتايدا كوروناۆيرۋستىڭ جاڭا تۇرىنە شالدىققاندار سانى 1287 ادامعا دەيىن ءوستى، ونىڭ 41-ءى قازا تاپتى. ال شانحايدا 2019-nCoV جاڭا كوروناۆيرۋسىنان تۋعان وزگەشە پنەۆمونيا تابىلعان العاشقى ناۋقاس ەمدەلدى.
.
