Qytaıdan sálemdeme alý qaýipti me?

2880
Adyrna.kz Telegram

Belgili pedıatr Evgenıı Komarovskıı qaýipti koronavırýstyń taralýyna baılanysty Qytaıdan sálemdeme alý qaýipti me degen suraqqa jaýap berdi, - dep habarlaıdy Tengrinews.kz tilshisi. Komarovskıı Instagram jelisindegi paraqshasynda jıi qoıylatyn suraqtardyń birine jaýap berdi: "Qytaıdan sálemdeme alý qaýipti me?". "Birinshiden, vırýstyń sútqorektiler denesinen tys eki táýlikten artyq ómir súrý yqtımaldyǵy az. Ekinshiden, vırýstyń juqtyrǵysh dozasyn zattar arqyly alý múmkindigi de óte az, tipti teorııalyq turǵydan da (juqtyrǵysh doza - aýrý týdyrýy múmkin mıkroorganızmderdiń sany) solaı", - dep jazǵan Komarovskıı. Osydan dáriger mynadaı qorytyndy aıtty: "Qytaıdan sálemdemeler alýǵa bolady".

Eske salsaq, Qytaıda koronavırýstyń jańa túrine shaldyqqandar sany 1287 adamǵa deıin ósti, onyń 41-i qaza tapty. Al Shanhaıda 2019-nCoV jańa koronavırýsynan týǵan ózgeshe pnevmonııa tabylǵan alǵashqy naýqas emdeldi.

.

Pikirler