جەلتوقسان ايىندا كورشى ەلدە پارلامەنت سايلاۋ ورىن العان بولاتىن. سايلاۋدان كەيىن ۇكىمەتتىڭ جۇمىسىن توقتاتىپ، وتستاۆكاعا كەتۋى ءتيىس. ۇكىمەتتىڭ وتستاۆكاسىن سەنات دەپۋتاتتارى دا قولداعان.
وزبەكستاننىڭ كونستيتۋتتسياسىنا سايكەس جاڭا ۇكىمەت قۇرامى جاساقتالعانشا، قازىرگى قۇرام ءوز جۇمىسىن اتقاراتىن بولادى.
بۇگىن وزبەكستاننىڭ پارلامەنتى جاڭا پرەمەر-ءمينيستردىڭ كانديداتۋراسىن قاراستىرىپ بەكىتۋى ءتيىس. وزبەكستان زاڭى بويىنشا جاڭا ۇكىمەت باسشىسىنىڭ كاديداتۋراسىن زاڭ شىعارۋشى ورگانداعى كوپشىلىك ورىنعا يە پارتيا ۇسىنۋى ءتيىس.
ەستەرىڭىزگە سالا كەتەيىك، وتكەن جىلدىڭ 22 جەلتوقسانىندا پارلامەنت سايلاۋىندا وزبەكستاننىڭ ليبەرالدى-دەموكراتيالىق پارتياسى جەڭىسكە جەتىپ، باسىمدىققا يە بولعان بولاتىن. كەيبىر دەرەككوزدەرى اتالعان پارتيا 2016 جىلدان بەرى ۇكىمەتتى باسقارىپ كەلە جاتقان ابدۋللا اريپوۆتىڭ كانديداتۋراسىن قايتا ۇسىنۋى مۇمكىن ەكەنىن العا تارتتى.
dalanews.kz
