تورعاي مەن ادام

3791
Adyrna.kz Telegram

وتكەن زاماندا ءبىر ساياساتشى تور قۇرىپ قويسا، تورىنا كىشكەنە ءبىر تورعاي ءتۇسىپ قالىپتى. تورعايدى ادام قولىنا ۇستاپ ۇيىنە اپارا جاتسا، تورعاي تىلگە كەلىپ بىلاي دەپتى:

- مەن كىشكەنە تورعايمىن، سويۋعا جارامايمىن، قاپاسقا سالساڭ قۇسالىقپەن ولەمىن. مەنى ەركىمە قويا بەر، كەڭ دۇنيەگە جىبەر. اقىسىنا سىزگە ەكى اۋىز اقىل ايتايىن، – دەپتى.

- كانە، اقىلىڭدى ايت، – دەپتى ادام.

- جارايدى، ءبىر اۋىزىن قولىندا، ءبىر اۋىزىن جەرگە تۇسكەن سوڭ ايتايىن. ويتكەنى قوس قولداپ قىسىپ تۇرعاندا، وكپەم قىسىلىپ ەشتەڭە ايتا المايمىن، – دەپتى تورعاي.

اڭشى بوساتىپتى.

- ءبىرىنشى – وتكەن ىسكە وكىنبە، ەكىنشى-كوزبەن كورمەي سەنبە! – دەپتى. تورعاي اناداي جەرگە قونىپ وتىرىپ: – سەن ەشتەڭەنى بىلمەدىڭ، مەنىڭ بوتەگەمدە جۇدىرىقتاي گاۋھار بار ەدى، – دەيدى. ادام قونىپ وتىرعان تورعايدى ۇستاۋعا تۇرا ۇمتىلىپتى. تورعاي ءار جەرگە ۇشىپ قونىپ ۇستاتپايدى. ادام قۋىپ قويماعان سوڭ ادامعا بىلاي دەيدى: «مەنىڭ جاڭاعى ايتقان وسيەتىمە تۇسىنبەپسىڭ، ءوزىڭ اقىلىڭا سالشى، مەنىڭ ءوزىم جۇدىرىقتاي جوقپىن، مەنىڭ بوتەگەمە ونداي زات قالاي سىيادى؟ بۇل ءبىر. ەكىنشى – مەن ساعان ۇستاتپايمىن، قاناتىم بار. سوندىقتان وتكەن ىسكە وكىنبە» – دەپ ۇشىپ كەتىپتى.

 

پىكىرلەر