ءال-فارابي اتىنداعى قازاق ۇلتتىق ۋنيۆەرسيتەتىندە جىل بويى وتكىزىلىپ كەلە جاتقان «انا ءتىلى» ارۋى» بايقاۋىنىڭ قورىتىندى سىناعى بولدى. وعان وقۋ ورنىنىڭ بارلىق فاكۋلتەتتەرىنەن ىرىكتەلىپ الىنعان 14 ارۋ قاتىستى.
بايقاۋ الدىندا ءسوز سويلەگەن ۋنيۆەرسيتەتتىڭ ءتىل جانە تاربيە جۇمىسى جونىندەگى پرورەكتورى شولپان جامانبالاەۆا مۇنداي شارالاردىڭ تاربيەلىك، تاعىلىمدىق ءمانى زور ەكەندىگىنە نازار اۋداردى.
ارۋلار «تانىستىرۋ»، «پوەزيالىق كومپوزيتسيا»، «ءسان ۇلگىسى»، «سۇراق-جاۋاپ»، «ونەرىم – ونەرىم» تاقىرىپتارى بويىنشا سىنعا ءتۇستى. ايتا كەتكەن ءجون، بايقاۋعا قاتىسۋشىلار بۇل كەزەڭگە وتە جوعارى دايىندىقپەن كەلىپتى. سول سەبەپتى دە قازىلار القاسىنا جۇلدەگەردى انىقتاۋ وڭاي تيمەدى. قىزدار سان قىرلى تالانت يەلەرى بولىپ شىقتى. ولاردىڭ اراسىندا ءانشى دە، ءبيشى دە، سۋرەتشى دە، سپورتشى دا… بار.
جۋرناليستيكا فاكۋلتەتىنىڭ ستۋدەنتى يرينا تەن ۇلتى كارىس بولعانىمەن، قازاق قىزىنان كەم ەمەس ونەر كورسەتتى. بيولوگيا فاكۋلتەتىنىڭ ستۋدەنتى مەرۋەرت دونباەۆانىڭ كانىگى بيشىلەردەن ەش كەمدىگى جوق. شىعىستانۋ فاكۋلتەتىنىڭ ستۋدەنتى تولقىن مىرزاكيموۆانىڭ تىلگە ارنالعان ولەڭى جينالعان قاۋىمعا وي سالدى. قىزداردىڭ ەرەكشە قاسيەتتەرى جايلى وسىلاي جالعاستىرا بەرۋگە بولادى.
سونىمەن قورىتىندى ءسات تە كەلىپ جەتتى. قازىلار القاسىنىڭ ۇيعارىمىمەن باس جۇلدە ونەرىمەن دە، ساحناداعى ءجۇرىس-تۇرىسىمەن دە ەرەكشەلەنگەن فيلولوگيا فاكۋلتەتىنىڭ ستۋدەنتى ايگەرىم اشىرالىگە بەرىلدى. بىرقاتار ارۋلارعا نوميناتسيالار بويىنشا ديپلومدار، باعالى سىيلىقتار تاپسىرىلدى.
ش.نۇرسۇلتانقىزى،
«انا ءتىلى»