Ál-Farabı atyndaǵy Qazaq ulttyq ýnıversıtetinde jyl boıy ótkizilip kele jatqan «Ana tili» arýy» baıqaýynyń qorytyndy synaǵy boldy. Oǵan oqý ornynyń barlyq fakýltetterinen iriktelip alynǵan 14 arý qatysty.
Baıqaý aldynda sóz sóılegen ýnıversıtettiń til jáne tárbıe jumysy jónindegi prorektory Sholpan Jamanbalaeva mundaı sharalardyń tárbıelik, taǵylymdyq máni zor ekendigine nazar aýdardy.
Arýlar «Tanystyrý», «Poezııalyq kompozıııa», «Sán úlgisi», «Suraq-jaýap», «Ónerim – ónerim» taqyryptary boıynsha synǵa tústi. Aıta ketken jón, baıqaýǵa qatysýshylar bul kezeńge óte joǵary daıyndyqpen kelipti. Sol sebepti de qazylar alqasyna júldegerdi anyqtaý ońaı tımedi. Qyzdar san qyrly talant ıeleri bolyp shyqty. Olardyń arasynda ánshi de, bıshi de, sýretshi de, sportshy da… bar.
Jýrnalıstıka fakýltetiniń stýdenti Irına Ten ulty káris bolǵanymen, qazaq qyzynan kem emes óner kórsetti. Bıologııa fakýltetiniń stýdenti Merýert Donbaevanyń kánigi bıshilerden esh kemdigi joq. Shyǵystaný fakýltetiniń stýdenti Tolqyn Myrzakımovanyń tilge arnalǵan óleńi jınalǵan qaýymǵa oı saldy. Qyzdardyń erekshe qasıetteri jaıly osylaı jalǵastyra berýge bolady.
Sonymen qorytyndy sát te kelip jetti. Qazylar alqasynyń uıǵarymymen bas júlde ónerimen de, sahnadaǵy júris-turysymen de erekshelengen fılologııa fakýltetiniń stýdenti Áıgerim Áshirálige berildi. Birqatar arýlarǵa nomınaııalar boıynsha dıplomdar, baǵaly syılyqtar tapsyryldy.
Sh.Nursultanqyzy,
«Ana tili»