كەز كەلگەن مەرەكە پەرىشتە كوڭىلدى بالالارمەن قىزىق. ەرتەگىدەي كەيىپكەرلەرىمەن كورىكتى. اياز اتاسىمەن، اقشاقارىمەن «نوۆىي گودتى» ءسۇيىپ وستىك، ولاردىڭ سىيلىعىن ساعىنا كۇتتىك. ەندى تۇسىندىك، ول ەۋروپانىڭ مەيرامى ەكەن، ءبىزدىڭ ءتول مەيرامىمىز ناۋرىز ەكەن… ال ەندى وسىناۋ ۇلىستىڭ ۇلى كۇنىندە ءبىز بالالارىمىزعا نە سىيلىق جاساپ جاتىرمىز؟ ءبىزدىڭ مەيرامدا نەگە بالالارعا ارنالعان كەيىپكەر جوق؟ الدە، ءتول مەرەكەمىزدىڭ بالالارىمىزعا ەش قاتىسى جوق پا؟
قۇدايعا شۇكىر، قىزىر اتا، جەزتىرناق، پەرىنىڭ قىزى، تاۋ سوعار، جەلاياق، باتىرلار مەن سۇلۋ دا دانا ارۋلارىمىزدى ارقاۋ ەتكەن اۋىز ادەبيەتىمىزدە كەيىپكەرلەر جەتىپ ارتىلادى. تەك ولارعا لايىقتى كيىم تىكتىرىپ، قويىلىم قويۋ جاعى اقساپ تۇر. جاڭا جىلدا جارق-جۇرق ەتكەن اشەكەي كوپ. بالا كوڭىلگە ول دا الدانىش. ءبىزدىڭ ۇلتتىق ويۋلارمەن ءۇي بولمەلەرىن، قالا كوشەلەرىن بەزەندىرۋ ادەتكە اينالسا دا، قۇبا قۇپ. كۇن مەن ءتۇننىڭ تەڭەلگەن عاجايىپ بۇل كۇندە بالالارىمىزعا نەگە سىيلىق سىيلامايمىز؟ مىسالى، ونى قىزىر اتانىڭ ارنايى سىيلىعى دەپ تارتۋ ەتسەڭىز، ءسابي ساناسى قىزىر اتانى ماڭگىلىككە جادىندا ساقتايدى ەمەس پە؟ بالالار ۇلىس تويى تۋرالى ولەڭدەر جاتتاپ، ونى قىزىر اتانىڭ الدىندا ايتىپ بەرسە، نۇر ۇستىنە نۇر بولماي ما؟ قىزىر اتانى قازاقتىڭ ءاربىر وتباسى ساعىنىپ كۇتەتىن كۇن كۇنگە جەتۋگە جازسىن دەپ تىلەيمىز!
ارمان اۋباكىر
