بيىل تۇرار رىسقۇلوۆتىڭ 125 جىلدىق مەرەيتويى اياسىندا قايراتكەردىڭ اتىن يەمدەنگەن اۋدان الەۋمەتتىك-ەكونوميكالىق تۇرعىدان زور تابىستارعا جەتتى. بارلىق سالادا جەتىستىكتەر مەن ىلگەرى دامۋ بار، كورسەتكىشتەر كوڭىل كونشىتەرلىك. اۋداننىڭ الەۋەتىن ارتتىرىپ، ەكونوميكاسىنىڭ تۇراقتى دامۋىنا سەرپىن بەرەتىن سالانىڭ ءبىرى – شاعىن جانە ورتا كاسىپكەرلىك.
اۋدان ورتالىعى قۇلان اۋىلىندا نۇرلان قاۋىمباەۆ «قاراكوز» ساۋدا ورتالىعىن اشىپ، بىرنەشە ادامدى جۇمىسپەن قامتىدى. سونداي-اق كاسىپكەر ۇكىمەت پەن جەرگىلىكتى باسشىلار تاراپىنان كاسىپكەرلىككە قولداۋ زور ەكەنىن ايتىپ، العىسىن جەتكىزدى.
ا.دوسبەمبەتوۆا «ەڭبەك» مەملەكەتتىك باعدارلاماسى اياسىندا مەملەكەتتىك گرانت الىپ، كاسىپكەرلىكپەن اينالىسۋدا. كاسكىپكەر فوتوسالونعا كەلۋشىلەردىڭ قاراسى قالىڭ ەكەنىن ايتادى.
قۋانىش تاجيەۆ «باستاۋ-بيزنەس» جوباسى اياسىندا قارجى الىپ، ۇندىك شارۋاشىلىعىن دامىتىپ وتىر. كاسىپكەر قۇس ونىمدەرىنىڭ نارىقتاعى سۇرانىسىنا جاۋاپ بەرەتىندەي دەڭگەيدە جۇمىس اتقارۋعا بەل بۋىپ وتىر.
ق.ءابدىرايىموۆ جەتەكشىلىك ەتەتىن «الراي» شارۋا قوجالىعى مال بورداقىلاۋ الاڭىن ىسكە قوسىپ، ءوز ءىسىن دوڭگەلەتىپ وتىر. قازىرگى تاڭدا مال شارۋاشىلىعى، مال ونىمدەرىن ءوندىرۋ مەن ەكسپورتتاۋ ماسەلەسى قارقىندى دامىپ كەلەدى.
«ادىرنا»
ۇلتتىق پورتالى
