Bıyl Turar Rysqulovtyń 125 jyldyq mereıtoıy aıasynda qaıratkerdiń atyn ıemdengen aýdan áleýmettik-ekonomıkalyq turǵydan zor tabystarǵa jetti. Barlyq salada jetistikter men ilgeri damý bar, kórsetkishter kóńil kónshiterlik. Aýdannyń áleýetin arttyryp, ekonomıkasynyń turaqty damýyna serpin beretin salanyń biri – shaǵyn jáne orta kásipkerlik.
Aýdan ortalyǵy Qulan aýylynda Nurlan Qaýymbaev «Qarakóz» saýda ortalyǵyn ashyp, birneshe adamdy jumyspen qamtydy. Sondaı-aq kásipker Úkimet pen jergilikti basshylar tarapynan kásipkerlikke qoldaý zor ekenin aıtyp, alǵysyn jetkizdi.
A.Dosbembetova «Eńbek» memlekettik baǵdarlamasy aıasynda memlekettik grant alyp, kásipkerlikpen aınalysýda. Káskipker fotosalonǵa kelýshilerdiń qarasy qalyń ekenin aıtady.
Qýanysh Tájıev «Bastaý-bıznes» jobasy aıasynda qarjy alyp, úndik sharýashylyǵyn damytyp otyr. Kásipker qus ónimderiniń naryqtaǵy suranysyna jaýap beretindeı deńgeıde jumys atqarýǵa bel býyp otyr.
Q.Ábdiraıymov jetekshilik etetin «AlRaı» sharýa qojalyǵy mal bordaqylaý alańyn iske qosyp, óz isin dóńgeletip otyr. Qazirgi tańda mal sharýashylyǵy, mal ónimderin óndirý men eksporttaý máselesi qarqyndy damyp keledi.
«ADYRNA»
ulttyq portaly
