بيىلعى جىلى بەلگىلى ءانشى، اقىن نارتاي بەكەجانوۆتىڭ تۋعانىنا 120 جىل تولعالى وتىر. وسىعان وراي، بەلگىلى ونەرپازدىڭ كىندىك كەسكەن ءوڭىرى – شيەلى اۋدانىندا ارنايى ءىس-شارالار وتكىزۋ ءىسى قولعا الىندى.
بۇگىنگى كۇنگە دەيىن ءانشىنىڭ شىعارمالارى ەنگىزىلگەن جاڭا كۇيتاباق جارىققا شىقتى. وندا ونەرپازدىڭ 24 ءانى مەن جىرى توپتاستىرىلعان. ءانشى مۇراسىن بەلگىلى ءانشى، مادەنيەت قايراتكەرى قۇرمانبەك بەكپەيىسوۆ جيناقتاعان. كۇيتاباق الماتى قالاسىنداعى «داستان» ستۋدياسىندا ازىرلەنگەن.
بۇل دۇنيە جەرگىلىكتى جۇرتتىڭ كوزايىمىنا اينالىپ ۇلگەردى. كەزىندە سىر بويىن ءان مەن كۇيگە بولەگەن ونەرپازدى بۇگىنگى ۇرپاققا ناسيحاتتاۋ كەيىنگى ۋاقىتتا كەمشىن ءتۇسىپ جاتاتىن ەدى. ونىڭ ارتىنا قالدىرعان مۇراسىن تەك بەلگىلى ونەر يەلەرى عانا ورىندايدى. جاڭا كۇيتاباق وسى ولقىلىقتىڭ ورنىن تولتىراتىنى انىق.
جاقىندا ونەرپازدىڭ جەرلەستەرى ۇلكەن تويدىڭ تويباستارىن باستاپ ۇلگەردى. اۋدان ورتالىعىنداعى «ارمان» مادەنيەت ۇيىندە «وشپەس ءان مەن توزباس جىردىڭ ءدۇلدۇلى» اتتى كەش وتكىزدى. وندا «نارتاي سازى» فولكلورلىق ءانسامبلى جىردان شاشۋ شاشتى.
ء ادىلجان ۇمبەت،
قىزىلوردا وبلىسى.
