Nartaıdyń kúıtabaǵy jaryqqa shyqty

3135

Bıylǵy jyly belgili ánshi, aqyn Nartaı Bekejanovtyń týǵanyna 120 jyl tolǵaly otyr. Osyǵan oraı, belgili ónerpazdyń kindik kesken óńiri – Shıeli aýdanynda arnaıy is-sharalar ótkizý isi qolǵa alyndy.

Búgingi kúnge deıin ánshiniń shyǵarmalary engizilgen jańa kúıtabaq jaryqqa shyqty. Onda ónerpazdyń 24 áni men jyry toptastyrylǵan. Ánshi murasyn belgili ánshi, Mádenıet qaıratkeri Qurmanbek Bekpeıisov jınaqtaǵan. Kúıtabaq Almaty qalasyndaǵy «Dastan» stýdııasynda ázirlengen.

Bul dúnıe jergilikti jurttyń kózaıymyna aınalyp úlgerdi. Kezinde Syr boıyn án men kúıge bólegen ónerpazdy búgingi urpaqqa nasıhattaý keıingi ýaqytta kemshin túsip jatatyn edi. Onyń artyna qaldyrǵan murasyn tek belgili óner ıeleri ǵana oryndaıdy. Jańa kúıtabaq osy olqylyqtyń ornyn toltyratyny anyq.

Jaqynda ónerpazdyń jerlesteri úlken toıdyń toıbastaryn bastap úlgerdi. Aýdan ortalyǵyndaǵy «Arman» mádenıet úıinde «Óshpes án men tozbas jyrdyń dúldúli» atty kesh ótkizdi. Onda «Nartaı sazy» folklorlyq ansambli jyrdan shashý shashty.


 Ádiljan ÚMBET,

Qyzylorda oblysy.

Pikirler
Redakııa tańdaýy