شۋ اۋدانى دامۋدىڭ داڭعىل جولىنا ءتۇستى (فوتورەپورتاج)

6724
Adyrna.kz Telegram

توعىز جولدىڭ تورابىندا ورنالاسقان شۋ اۋدانىنىڭ ەكونوميكالىق-الەۋمەتتىك دامۋ كورسەتكىشى جوعارى. سەبەبى كۇرە جولدىڭ بويىنداعى تەمىر جول اۋدان تۇرعىندارىنىڭ ەكى قولعا ءبىر كۇرەك تابۋعا مۇمكىندىك بەرىپ وتىر. ونىڭ ۇستىنە اۋداندا قۇرىلعان «تاراز حيميالىق پاركى» ارنايى ەكونوميكالىق ايماعى ءوڭىردىڭ دامۋىنا ءوڭ بەرۋدە. ءبىر سوزبەن ايتقاندا، شۋ اۋدانىنىڭ كاسىپ باستاپ، جۇمىس جۇرگىزۋگە قولايلى بولىپ وتىر.

       

شۋ اۋدانىندا تاۋلىگىنە 3000 ليتر ماقسارى مايىن وندىرەتىن زاۋىت تابىستى ەڭبەك ەتۋدە. 2011 جىلى جۇمىسىنن باستالعان «Kaz-Ir AGRO» جشس-دە شەت ەلگە ءوز ءونىمىن وتكىزىپ جاتىر.

       

شۋ اۋدانى بولتىرىك شەشەن اۋىلىنىڭ تۇرعىنى دياس قانافين جاستار  جىلى جاريالانعان گرانتقا قاتىسىپ، 1 ملن. 200 مىڭ تەڭگە ۇتىپ العان. اتالعان قارجىعا جىلىجاي سالىپ، ساڭىراۋقۇلاق ءوسىرۋدى كوزدەپ وتىر. 120 شارشى مەتر بولاتىن جىلىجايدى مامىر ايىندا ىسكە قوساتىنىن ايتادى.

       

ناۋرىزبەك احمەتوۆ جاستار جىلىنا وراي «بيزنەستىڭ جول كارتاسى – 2020» باعدارلاماسىنا جوباسىن ۇسىنىپ، 2 ملن. 500 مىڭ تەڭگە ۇتقان. وعان اۋدانى 250 شارشى مەتر بولاتىن جىلىجاي سالىپ، ءبىر ازاماتتتى جۇمىسپەن قامتىپ وتىر. جىلىجايدا كوك پياز، سالات جاپىراقتارى مەن ۋكروپ ونىمدەرىن جاڭا جىلعا دەيىن وتكىزىپ، قيار وسىرۋگە كىرىسەتىنىن ايتادى.

       

شۋ قالاسىندا ماكارون ونىمدەرىن شىعارۋعا ارنالعان ەلەۆاتوردىڭ قۇرىلىس جۇمىستارى ءجۇرىپ جاتىر.  قۇرىلىس جۇمىستارى اياقتالسا اۋداننىڭ ونداعان تۇرعىنىن جۇمىسپەن قامتىپ، ءونىمىن ەلىمىزدىڭ بارلىق ايماعىندا ساتۋعا مۇمكىندىك تۋادى.

    

وسى جەرگە «Qazsugar» جشس جالپى قۇنى 200 ميلليون ەۋرونى قۇرايتىن قانت زاۋىتىنىڭ قۇرىلىسى باستاپ وتىر.  اتالمىش سەرىكتەستىكتىڭ ديرەكتورى امان اياعانوۆتىڭ ايتۋىنشا، زاۋىتتىڭ قۇرىلىس جۇمىستارى 2022 جىلدىڭ ءتورتىنشى توقسانىندا تولىق اياقتالماق. قانت زاۋىتى «تاراز حيميالىق پاركى» ارنايى ەكونوميكالىق ايماعىنا كىرگەن.

پىكىرلەر