جامبىل وبلىسى اۋىل شارۋاشىلىعىنا ەڭ قولايلى ءوڭىر. وبلىستا مال جانە ەگىن شارۋاشىلىعى جاقسى جولعا قويىلعان. جەرى قۇنارلى تابيعاتى جايلى وبلىستىڭ اسىراۋشى سالادا اتقارىپ جاتقان شارۋاسى شاش ەتەكتەن. ونىڭ ۇستىنە سوڭعى جىلدارى اۋىل شارۋاشىلىعىن دامىتۋعا ارنالعان باعدارلامالار اۋليەاتانىڭ اۋىل شارۋاشىلىق سالاسىن ودان ءارى دامىتىپ وتىر. ءبىر سوزبەن ايتقاندا، وبلىستىڭ شارۋالارى جەر ەمىن، ءتورت تۇلىكتەن تابىس تاۋىپ وتىر.
جامبىل اۋدانىنىڭ تۋماسى اقجول تەڭگەباەۆ «اۋىل شارۋاشىلىعىن قارجىلاي قولداۋ قورىنىڭ» "يگىلىك" باعدارلاماسى ارقىلى 4 ملن تەڭگە نەسيە راسىمدەپ، 115 باس قوي ساتىپ العان. ءوز مالىن قوسقاندا قوراسىندا 500-دەن استام قويى بار.
جۋالى اۋدانىنداعى «بۋرنىي ءسۇت كومپانياسى» جشس ءوز ونىمدەرىنىڭ 30 پايىزىن رەسەيدىڭ سامارا قالاسىنا ەكسپورتتاپ وتىر. بەلگىلى كاسىپكەر ابدىبەك پوشقاەۆتىڭ زاۋىت جۇمىسىن قولعا الۋىمەن جانە «تاراز» الەۋمەتتىك-كاسىپكەرلىك كورپوراتسياسىنىڭ» قاتىسۋىمەن كاسىپورىننىڭ تامىرىنا قايتادان قان جۇگىرە باستادى.
مەركى اۋدانىندا ماقسۇت نەسىپباەۆتىڭ «ار-اس» شارۋا قوجالىعى 100 بيە ساۋىپ، سوڭعى تەحنولوگيالارمەن جابدىقتالعان قۇرىلعىلاردان كۇنىنە 70-100 ليترگە دەيىن قىمىز شىعارۋدا. «تاۋ قىمىزى» اتالعان قىمىز شولمەكتەرگە قۇيىلىپ، ەلىمىزدىڭ بىرنەشە وڭىرىنە ەكسپورتتالىپ جاتىر.
بايزاق اۋدانىندا ۆلاديمير لەسنياك جەتەكشىلىك ەتەتىن «لەسنياك-مولوچنىي بيدونچيك» ءسۇت وڭدەۋ تسەحى تابىستى ەڭبەك ەتۋدە. «بيزنەستىڭ جول كارتاسى 2020» باعدارلاماسى بويىنشا 16,3 ملن تگ نەسيە العان كاسىپكەر ون شاقتى ازاماتتى جۇمىسپەن قامتىپ وتىر.
«ادىرنا»
ۇلتتىق پورتالى
