Áýlıeatanyń aýyl sharýashylyǵy alshań basyp tur (Fotoreportaj)

860

Jambyl oblysy aýyl sharýashylyǵyna eń qolaıly óńir. Oblysta mal jáne egin sharýashylyǵy jaqsy jolǵa qoıylǵan. Jeri qunarly  tabıǵaty jaıly oblystyń asyraýshy salada atqaryp jatqan sharýasy shash etekten. Onyń ústine sońǵy jyldary aýyl sharýashylyǵyn damytýǵa arnalǵan baǵdarlamalar Áýlıeatanyń aýyl sharýashylyq salasyn odan ári damytyp otyr. Bir sózben aıtqanda, oblystyń sharýalary jer emin, tórt túlikten tabys taýyp otyr.

       

Jambyl aýdanynyń týmasy Aqjol Teńgebaev «Aýyl sharýashylyǵyn qarjylaı qoldaý qorynyń» "Igilik" baǵdarlamasy arqyly 4 mln teńge nesıe rásimdep, 115 bas qoı satyp alǵan. Óz malyn qosqanda qorasynda 500-den astam qoıy bar.

          

Jýaly aýdanyndaǵy «Býrnyı sút kompanııasy» JShS óz ónimderiniń 30 paıyzyn Reseıdiń Samara qalasyna eksporttap otyr. Belgili kásipker Ábdibek Poshqaevtyń zaýyt jumysyn qolǵa alýymen jáne «Taraz» áleýmettik-kásipkerlik korporaııasynyń» qatysýymen kásiporynnyń tamyryna qaıtadan qan júgire bastady.

             

Merki aýdanynda Maqsut Nesipbaevtyń «Ar-As» sharýa qojalyǵy 100 bıe saýyp, sońǵy tehnologııalarmen jabdyqtalǵan qurylǵylardan kúnine 70-100 lıtrge deıin qymyz shyǵarýda. «Taý qymyzy» atalǵan qymyz shólmekterge quıylyp, elimizdiń birneshe óńirine eksporttalyp jatyr.

         

Baızaq aýdanynda Vladımır Lesnıak jetekshilik etetin «Lesnıak-molochnyı bıdonchık» sút óńdeý ehy tabysty eńbek etýde. «Bıznestiń jol kartasy 2020» baǵdarlamasy boıynsha 16,3 mln tg nesıe alǵan kásipker on shaqty azamatty jumyspen qamtyp otyr.

«ADYRNA»

ulttyq portaly

Pikirler
Redakııa tańdaýy