بۇرىنعى وتكەن زاماندا ءبىر قىز تۇرسمىسقا شىعىپ، كۇيەۋى، ەنەسى ۇشەۋى ءبىر ۇيدە ءومىر سۇرە باستاپتى. بىرنەشە ايدان كەيىن بىتپەي كەتكەن كەلىن مەن ەنە اراسىنداعى ۇرىس – كەرىستەر ناتيجەسىندە ءارى ءوزى ءۇشىن، ءارى ايەلىمەن اناسىنىڭ ورتاسىندا قالعان كۇيەۋى ءۇشىن دە تۇرمىس شىدامسىز ءبىر حالگە كەلەدى. ءبىر شارا قولدانۋ كەرەك دەپ ويلاعان كەلىن، تۋرا اكەسىنىڭ بۇرىنعى دوسى بولعان ەمشىگە بارىپ دەرتىن ايتادى.
كارى ادام وعان شوپتەردەن ءبىر قوسپا دايىندايدى جانە ونى ءۇش اي بويى كۇندە از – ازداپ ەنەسىنىڭ تاماعىنا قوسىپ تۇرۋىن ايتادى. ۋدى از – ازداپ بەرسە، وسىلايشا ونى كەلىنىنىڭ ولتىرگەنى بەلگىلى بولمايتىن ەدى. كارى ادام كەلىنشەككە ەشكىمنىڭ جانە كۇيەۋىنىڭ دە ودان كۇماندانباۋى ءۇشىن ەنەسىمەن وتە جىلى قارىم – قاتىناستا بولۋىن، ول ءۇشىن ەڭ ءدامدى تاعامدار ءپىسىرۋىن ايتادى.
قۋانا قۋانا ۇيىنە كەلگەن كەلىن ايتىلعانداردى بۇلجىتپاي ورىندايدى. ءار كۇن ەنەسىنە ءدامدى تاعامدار دايىنداپ بەرىپ وتىرادى. ونىمەن جاقسى ماملەدە بولىپ، تاماعىنا دا از – ازدان ۋدى تامىزىپ وتىرادى. ءبىراز كۇننەن كەيىن ەنەسى دە قاتتى وزگەرىپ، كەلىنىنە ءوز قىزى سياقتى قاراي باستايدى. بۇل ارادا ەنەسىن ءوز اناسىنداي جاقسى كورىپ قالعان كەلىن، ىستەگەندەرىنە قاتتى وكىنەدى. كەشىرىلمەس قاتەگە جول بەرگەنىن ءتۇسىنىپ، باياعى ەمشىگە قايتا بارادى. كارى ادامعا، ەنەسىنە بەرگەن ۋلاردى تازالايتىن ءبىر ءدارى تابۋىن سۇراپ جالىنادى. كوزىنە جاس تولعان كارى ادام بىلاي دەيدى:
«قىمباتتى ليلي، ساعان بەرگەندەرىم تەك ۆيتامين عانا ەدى. ناعىز ۋ ول سەنىڭ باسىڭدا ەدى. سەن وعان جاقسى ماملەدە بولعانىڭ سايىن، ونىڭ دا ساعان دەگەن ىزاسى قۇرمەتكە اينالادى. وسىلايشا سەندەر ناعىز انا مەن قىزداي بولدىڭدار».
«گۇل بەرگەن قولدا، گۇلدىڭ ءيىسى قالادى» دەگەندەرى وسى بولسا كەرەك.
