Burynǵy ótken zamanda bir qyz tursmysqa shyǵyp, kúıeýi, enesi úsheýi bir úıde ómir súre bastapty. Birneshe aıdan keıin bitpeı ketken kelin men ene arasyndaǵy urys – kerister nátıjesinde ári ózi úshin, ári áıelimen anasynyń ortasynda qalǵan kúıeýi úshin de turmys shydamsyz bir halge keledi. Bir shara qoldaný kerek dep oılaǵan kelin, týra ákesiniń burynǵy dosy bolǵan emshige baryp dertin aıtady.
Kári adam oǵan shópterden bir qospa daıyndaıdy jáne ony úsh aı boıy kúnde az – azdap enesiniń tamaǵyna qosyp turýyn aıtady. Ýdy az – azdap berse, osylaısha ony kelininiń óltirgeni belgili bolmaıtyn edi. Kári adam kelinshekke eshkimniń jáne kúıeýiniń de odan kúmandanbaýy úshin enesimen óte jyly qarym – qatynasta bolýyn, ol úshin eń dámdi taǵamdar pisirýin aıtady.
Qýana qýana úıine kelgen kelin aıtylǵandardy buljytpaı oryndaıdy. Ár kún enesine dámdi taǵamdar daıyndap berip otyrady. Onymen jaqsy mámlede bolyp, tamaǵyna da az – azdan ýdy tamyzyp otyrady. Biraz kúnnen keıin enesi de qatty ózgerip, kelinine óz qyzy sııaqty qaraı bastaıdy. Bul arada enesin óz anasyndaı jaqsy kórip qalǵan kelin, istegenderine qatty ókinedi. Keshirilmes qatege jol bergenin túsinip, baıaǵy emshige qaıta barady. Kári adamǵa, enesine bergen ýlardy tazalaıtyn bir dári tabýyn surap jalynady. Kózine jas tolǵan kári adam bylaı deıdi:
«Qymbatty Lılı, saǵan bergenderim tek vıtamın ǵana edi. Naǵyz ý ol seniń basyńda edi. Sen oǵan jaqsy mámlede bolǵanyń saıyn, onyń da saǵan degen yzasy qurmetke aınalady. Osylaısha sender naǵyz ana men qyzdaı boldyńdar».
«Gúl bergen qolda, gúldiń ıisi qalady» degenderi osy bolsa kerek.
