«ۇلى دالا ءۇنى» سەكەن كۇيلەرىمەن جاڭعىردى

2624
Adyrna.kz Telegram

استاناداعى كونگرەسس-حولل سارايىندا كۇيشى-كومپوزيتور، قازاقستان رەسپۋبليكاسىنىڭ ەڭبەك سىڭىرگەن ءارتىسى، «اق جاۋىن» مەملەكەتتىك كامەرالىق وركەسترىنىڭ كوركەمدىك جەتەكشىسى-باس ديريجەرى سەكەن تۇرىسبەكتىڭ قازاق حاندىعىنىڭ 550 جىلدىعىنا ارنالعان «ۇلى دالا ءۇنى» اتتى شىعارماشىلىق كەشى ءوتتى. كەشكە گۇلزيرا بوكەيحانقىزى، تامارا اسار، ەرلان رىسقالي، التىناي مامىروۆا سىندى تانىمال انشىلەر دە قاتىسادى.

 

سەكەن تۇرىسبەك جەتەكىشىلىك ەتەتىن «اق جاۋىن» مەملەكەتتىك ۇلتتىق وركەسترى بۇل جولى كورەرمەندەردى تىڭ تۋىندىلارىمەن قۋانتتى. كەش شىمىلدىعى جانتورەنىڭ «شالقىماسىمەن» اشىلدى. تاتتىمبەتتىڭ كۇيى «بەس تورە» جانە كەش يەسىنىڭ سىبىزعىعا ارناپ شىعارعان «تولەگەتاي بابا» كۇيى ساحنادا تۇڭعىش رەت ورىندالدى.

سونداي-اق، كەش كورەرمەندەرى سەكەن تۇرىسبەكتىڭ «اققۋ سازىن» جاڭا ورىنداۋدا تىڭدادى. كونتسەرتتە اۆتوردىڭ «اققۋ سازى» مەن «ەركە قۇسىم» شىرقالىپ، «تارباعاتاي»، «قوڭىر قاز»، «اسىل انا» اتتى اندەرى كورەرمەنمەن قاۋىشتى.  


BAQ.kz

 

پىكىرلەر