Astanadaǵy Kongress-holl saraıynda kúıshi-kompozıtor, Qazaqstan Respýblıkasynyń eńbek sińirgen ártisi, «Aq jaýyn» memlekettik kameralyq orkestriniń kórkemdik jetekshisi-bas dırıjeri Seken Turysbektiń Qazaq handyǵynyń 550 jyldyǵyna arnalǵan «Uly dala úni» atty shyǵarmashylyq keshi ótti. Keshke Gúlzıra Bókeıhanqyzy, Tamara Asar, Erlan Rysqalı, Altynaı Mamyrova syndy tanymal ánshiler de qatysady.
Seken Turysbek jetekishilik etetin «Aq jaýyn» memlekettik ulttyq orkestri bul joly kórermenderdi tyń týyndylarymen qýantty. Kesh shymyldyǵy Jantóreniń «Shalqymasymen» ashyldy. Táttimbettiń kúıi «Bes tóre» jáne kesh ıesiniń sybyzǵyǵa arnap shyǵarǵan «Tólegetaı baba» kúıi sahnada tuńǵysh ret oryndaldy.
Sondaı-aq, kesh kórermenderi Seken Turysbektiń «Aqqý sazyn» jańa oryndaýda tyńdady. Konertte avtordyń «Aqqý sazy» men «Erke qusym» shyrqalyp, «Tarbaǵataı», «Qońyr qaz», «Asyl ana» atty ánderi kórermenmen qaýyshty.
BAQ.kz
