باتىستىڭ ارنايى ينتەرنەت-اۋكتسيون سايتىندا قازاقتىڭ كىلەمى جوعارى باعالانعاندىعى تۋرالى جازىلىپتى.
تازا جۇننەن توقىلىپ، ويۋلارمەن ورنەكتەلگەن كىلەمنىڭ ءبىر شارشى مەترى 700 دوللارعا باعالانعان. ءبىر ايتا كەتەرلىگى، بۇل جاڭالىق ءبىزدىڭ ەلگە قاتىستى ەمەس. ويتكەنى كىلەم ءازىربايجاندا توقىلعان. سول جاقتاعى قازاقتاردىڭ ەڭبەگى كورىنەدى.
كىلەمگە سۇرانىس پارسى شىعاناعىنداعى شەيحتەر مەن باتىس ەلدەرىندەگى اقسۇيەكتەردىڭ نازارىن ۇنەمى اۋدارىپ كەلەدى. حV عاسىردا الەمگە بەلگىلى گانس گولبەيننىڭ «سوڭعى» اتتى كارتيناسىندا قازاق كىلەمىنىڭ بەينەسى كورىنىس تابۋى تەگىن ەمەس. بۇل كارتينا لوندوننىڭ كوركەمونەر گالەرەياسىندا ساقتاۋلى. باتىستاعىلار ءۇشىن قازاق كىلەمىن انىقتاۋ ونشا قيىن ەمەس كورىنەدى. ونداعى ويۋ مەن ورنەكتىڭ ءوز-اق ۇلت ەرەكشەلىگىن ايعاقتايدى. قازاق كىلەمىنىڭ وتانى ءازىربايجاننىڭ قازاق اۋدانى ەكەندىگىنە فيلوسوفيا عىلىمدارىنىڭ دوكتورى الىبەك قاجىعاليۇلىنىڭ «ويۋ مەن وي» اتتى كىتابىندا ناقتى ايتىلادى. عالىم قازاقتىڭ ويۋ-ورنەگىن كوپ ۋاقىت زەرتتەپ، ونىڭ تاريحي جاقتارىن انىقتاعان. التىن وردا پاتشالىعى قۇلاعاننان كەيىن كاۆكازداعى تۇرىك تايپالارى وزدەرىن قازاقپىز دەپ اتاپ، ءازىربايجاننىڭ قۇرامىندا قالادى. - ءازىربايجان كىلەمدەرىنىڭ اراسىنان ورنەكتەرىنە قاراپ، قازاق كىلەمىن بىردەن تابۋعا بولادى. ويۋ-ورنەكتى زەرتتەۋشى عالىمداردىڭ ايتۋىنا قاراعاندا، قازاق كىلەمىندەگى ورنەك التايلىق شەبەرلەردىڭ قولتاڭباسىنا ۇقسايدى، — دەيدى الىبەك قاجىعاليەۆ.
جەكسەن ساعىمبەكۇلى، «ايقىن».
