Batystyń arnaıy ınternet-aýkıon saıtynda qazaqtyń kilemi joǵary baǵalanǵandyǵy týraly jazylypty.
Taza júnnen toqylyp, oıýlarmen órnektelgen kilemniń bir sharshy metri 700 dollarǵa baǵalanǵan. Bir aıta keterligi, bul jańalyq bizdiń elge qatysty emes. Óıtkeni kilem Ázirbaıjanda toqylǵan. Sol jaqtaǵy qazaqtardyń eńbegi kórinedi.
Kilemge suranys Parsy shyǵanaǵyndaǵy sheıhter men Batys elderindegi aqsúıekterdiń nazaryn únemi aýdaryp keledi. HV ǵasyrda álemge belgili Gans Golbeınniń «Sońǵy» atty kartınasynda qazaq kileminiń beınesi kórinis tabýy tegin emes. Bul kartına Londonnyń kórkemóner galereıasynda saqtaýly. Batystaǵylar úshin qazaq kilemin anyqtaý onsha qıyn emes kórinedi. Ondaǵy oıý men órnektiń óz-aq ult ereksheligin aıǵaqtaıdy. Qazaq kileminiń otany Ázirbaıjannyń Qazaq aýdany ekendigine fılosofııa ǵylymdarynyń doktory Álibek Qajyǵalıulynyń «Oıý men oı» atty kitabynda naqty aıtylady. Ǵalym qazaqtyń oıý-órnegin kóp ýaqyt zerttep, onyń tarıhı jaqtaryn anyqtaǵan. Altyn orda patshalyǵy qulaǵannan keıin Kavkazdaǵy túrik taıpalary ózderin qazaqpyz dep atap, Ázirbaıjannyń quramynda qalady. - Ázirbaıjan kilemderiniń arasynan órnekterine qarap, qazaq kilemin birden tabýǵa bolady. Oıý-órnekti zertteýshi ǵalymdardyń aıtýyna qaraǵanda, qazaq kilemindegi órnek altaılyq sheberlerdiń qoltańbasyna uqsaıdy, — deıdi Álibek Qajyǵalıev.
Jeksen SAǴYMBEKULY, «Aıqyn».
