قازاق حاندىعىنىڭ 550-جىلدىق مەرەيتويىنا ارنالعان مەرەكەلىك شارالار اياسىندا قازاقستان رەسپۋبليكاسىنىڭ مادەنيەت جانە سپورت ءمينيسترى ا.مۇحامەديۇلى، "نۇر وتان" پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ جانە وڭتۇستىك قازاقستان وبلىسىنىڭ اكىمى ب. اتامقۇلوۆ «قازىنا» ەتنو-تاريحي كەشەنىن اشتى دەپ حابارلايدى قر مادەنيەت جانە سپورت مينيسترلىگىنىڭ ءباسپاسوز قىزمەتى.
سالتاناتتى اشۋ راسىمىنە تانىمال مادەنيەت، ونەر قايراتكەرلەرى، عالىم، تاريحشىلار، قوعامدىق بىرلەستىكتەر وكىلدەرى مەن ايماق جاستارى قاتىستى.شارانىڭ الدىندا وبلىستىق تاريحي-ولكەتانۋ مۇراجايىندا قازاق حاندىعىنىڭ 550 جىلدىعى مونۋمەنتىنە دەيىن قولونەر، قىلقالام شەبەرلەرىنىڭ كورمەسى ءوتتى.جاڭا كەشەننىڭ اۋدانى 75 گەكتار جەردى قۇرايدى. كەشەنگە «بايدىبەك بي» ەسكەرتكىشى، «ناۋرىز» الاڭى، وبلىستىق تاريحي-ولكەتانۋ مۇراجايى، ادەت-عۇرىپ جانە سالت-ءداستۇر ورتالىعى، يپپودروم بىرىڭعاي ساۋلەت انسامبلىنە بىرىكتىرىلدى. ەتنوساياباقتا ايماقتىڭ تاريحي-مادەني ەسكەرتكىشتەرىنىڭ 27 ماكەتىنەن تۇراتىن ەتنو-تاريحي ساياباق جانە تاريحي قۇندىلىقتار ورناتىلعان، ال ورتالىقتا ديامەترى 21 مەتر بولاتىن ءتۇرلى-ءتۇستى سۋبۇرقاق قويىلعان.ەتنو-تاريحي كەشەندە قازاق حاندىعىنىڭ 550 جىلدىعىنىڭ مونۋمەنتى ورناتىلعان. ەسكەرتكىشتىڭ بيىكتىگى 15 مەتردى قۇرايدى، ول قازاق ۇلتتىق ويۋلارى سالىنعان ورىلگەن ەكى اركادان تۇرادى.
ەسكەرتكىشتىڭ ورتاسىندا بيىكتىگى 10 مەتر، ەنى 8 مەتردى قۇراعان پيراميدالىق كومپوزيتسيا ورناتىلدى. پيراميدانىڭ شەتىندە قازاق حاندىعىنىڭ بارەلەفتىك كومپوزيتسياسى مەن «قازاق حاندىعىنا 550 جىل» جانە ەلباسى ن.نازارباەۆتىڭ «قازاق حاندىعىنىڭ 550 جىلدىعى بۇل ۇلتتىق تاريحتى ۇلىقتاۋ مەن بۇگىنگى جەتىستىكتەردى لايىقتى باعالاۋ» دەگەن ءسوزى ويىلىپ جازىلعان.
.jpg)
«جايلاۋ» كولىنىڭ جاعالاۋىنداعى ەسكەرتكىشتىڭ قاسىندا قازاق اۋىلى ورىن تەپكەن. جاعالاۋداعى دەمالىس ايماعىنىڭ اۋماعى 15 گەكتاردى قۇرايدى. مۇندا 4 روتوندا ورناتىلىپ، قايىق ستانساسى، كولىك تۇراعى جابدىقتالعان. بۇل ەتنو-تاريحي كەشەن قالا تۇرعىندارى مەن قوناقتارىنىڭ سۇيىكتى دەمالىس ورنىنا اينالادى.
.jpg)
سونىمەن بىرگە تونىكوك، ياسساۋي، فارابي عاسىرلارىنان كەيىنگى 19-20 عاسىرلارداعى عۇلامالارىمىزدىڭ وسيەت سوزدەرى تاسقا قاشالىپ جازىلعان «دانالار وسيەتى» دە بار بۇل جەردە. بابالارىمىزدىڭ كوپتەگەن ۇلاعاتتى، عيبرات الارلىقتاي تاماشا ءتالىم-تاربيە بەرەتىن وسيەتتەرى، عۇلاما ويشىلدار مەن شەشەن-بيلەردەن، اقىن-جىراۋلار مەن سال-سەرىلەردەن مۇرا، ميراس بولىپ قالعان پاراساتى – بۇگىنگى ۇرپاققا ونەگە. ولاردىڭ دانالىق بولجامى، عيبرات الارلىق سوزدەرى مەن پايىمداۋلارى بۇگىندە حالىقپەن قايتا قاۋىشىپ، ساياباق تورىنەن ورىن الۋدا.ۇلتتىق سپورت ويىندارىنان جارىس وتكىزۋگە ارنالعان يپپودروم اۋماعى دا وسى جەردە ورنالاسقان.شاھاردىڭ كوركىن اشىپ، قالا تۇرعىندارى مەن قوناقتارىنىڭ دەمالىس ۋاقىتىن وتكىزۋىنە مۇمكىندىك بەرەتىن وسىنداي مادەني كەشەندەردىڭ وڭىرلەردە بوي كوتەرىپ جاتقاندىعى – قازاقستاننىڭ قارقىندى دامىپ كەلە جاتقاندىعىنىڭ تاعى ءبىر ايعاعى.
