Qazaq handyǵynyń 550-jyldyq mereıtoıyna arnalǵan merekelik sharalar aıasynda Qazaqstan Respýblıkasynyń mádenıet jáne sport mınıstri A.Muhamedıuly, "Nur Otan" partııasy Tóraǵasynyń birinshi orynbasary Asqar Myrzahmetov jáne Ońtústik Qazaqstan oblysynyń ákimi B. Atamqulov «Qazyna» etno-tarıhı keshenin ashty dep habarlaıdy QR Mádenıet jáne sport mınıstrliginiń baspasóz qyzmeti.
Saltanatty ashý rásimine tanymal mádenıet, óner qaıratkerleri, ǵalym, tarıhshylar, qoǵamdyq birlestikter ókilderi men aımaq jastary qatysty.Sharanyń aldynda Oblystyq tarıhı-ólketaný murajaıynda Qazaq handyǵynyń 550 jyldyǵy monýmentine deıin qolóner, qylqalam sheberleriniń kórmesi ótti.Jańa keshenniń aýdany 75 gektar jerdi quraıdy. Keshenge «Báıdibek bı» eskertkishi, «Naýryz» alańy, oblystyq tarıhı-ólketaný murajaıy, ádet-ǵuryp jáne salt-dástúr ortalyǵy, ıppodrom biryńǵaı sáýlet ansambline biriktirildi. Etnosaıabaqta aımaqtyń tarıhı-mádenı eskertkishteriniń 27 maketinen turatyn etno-tarıhı saıabaq jáne tarıhı qundylyqtar ornatylǵan, al ortalyqta dıametri 21 metr bolatyn túrli-tústi sýburqaq qoıylǵan.Etno-tarıhı keshende Qazaq handyǵynyń 550 jyldyǵynyń monýmenti ornatylǵan. Eskertkishtiń bıiktigi 15 metrdi quraıdy, ol qazaq ulttyq oıýlary salynǵan órilgen eki arkadan turady.
Eskertkishtiń ortasynda bıiktigi 10 metr, eni 8 metrdi quraǵan pıramıdalyq kompozıııa ornatyldy. Pıramıdanyń shetinde qazaq handyǵynyń bareleftik kompozıııasy men «Qazaq handyǵyna 550 jyl» jáne Elbasy N.Nazarbaevtyń «Qazaq handyǵynyń 550 jyldyǵy bul ulttyq tarıhty ulyqtaý men búgingi jetistikterdi laıyqty baǵalaý» degen sózi oıylyp jazylǵan.
.jpg)
«Jaılaý» kóliniń jaǵalaýyndaǵy eskertkishtiń qasynda qazaq aýyly oryn tepken. Jaǵalaýdaǵy demalys aımaǵynyń aýmaǵy 15 gektardy quraıdy. Munda 4 rotonda ornatylyp, qaıyq stansasy, kólik turaǵy jabdyqtalǵan. Bul etno-tarıhı keshen qala turǵyndary men qonaqtarynyń súıikti demalys ornyna aınalady.
.jpg)
Sonymen birge Tonykók, Iassaýı, Farabı ǵasyrlarynan keıingi 19-20 ǵasyrlardaǵy ǵulamalarymyzdyń ósıet sózderi tasqa qashalyp jazylǵan «Danalar ósıeti» de bar bul jerde. Babalarymyzdyń kóptegen ulaǵatty, ǵıbrat alarlyqtaı tamasha tálim-tárbıe beretin ósıetteri, ǵulama oıshyldar men sheshen-bılerden, aqyn-jyraýlar men sal-serilerden mura, mıras bolyp qalǵan parasaty – búgingi urpaqqa ónege. Olardyń danalyq boljamy, ǵıbrat alarlyq sózderi men paıymdaýlary búginde halyqpen qaıta qaýyshyp, saıabaq tórinen oryn alýda.Ulttyq sport oıyndarynan jarys ótkizýge arnalǵan Ippodrom aýmaǵy da osy jerde ornalasqan.Shahardyń kórkin ashyp, qala turǵyndary men qonaqtarynyń demalys ýaqytyn ótkizýine múmkindik beretin osyndaı mádenı keshenderdiń óńirlerde boı kóterip jatqandyǵy – Qazaqstannyń qarqyndy damyp kele jatqandyǵynyń taǵy bir aıǵaǵy.
