ۇندىستانداعى كۇشتى مۋسسوندىق جاۋىن-شاشىن سالدارىنان بولعان سۋ تاسقىنى مەن كوشكىندەرگە بايلانىستى سيككيم شتاتىنىڭ سولتۇستىك-شىعىسىندا 1,5 مىڭنان استام تۋريست قالىپ قالدى، دەپ حابارلايدى "ادىرنا" ۇلتتىق پورتالى.
Mint گازەتىنىڭ مالىمەتىنشە، تۋريستەر قالعان ايماقتارعا اپاراتىن جولداردى كوشكىن باسىپ، قاتىناس ۇزىلگەن. سيككيمگە دەمالۋعا كەلگەندەرگە اۋا رايى جاقسارعانعا دەيىن قوناقۇيلەردە قالۋعا كەڭەس بەرىلدى.
«جاۋىن-شاشىننىڭ جالعاسۋىنا جانە جەرگىلىكتى تيستا وزەنىندەگى سۋ دەڭگەيىنىڭ جوعارى بولۋىنا بايلانىستى سيككيم بيلىگى قاۋىپتىڭ قىزىل دەڭگەيىن جاريالادى»، – دەپ جازادى باسىلىم.
بۇعان دەيىن كۇشتى مۋسسوندىق جاڭبىر سالدارىنان ءۇندىستاننىڭ سولتۇستىك-شىعىسىنداعى اسسام، ارۋناچال-پرادەش، مەگحالايا، ميزورام جانە ناگالەند شتاتتارىندا بولعان سۋ تاسقىنى مەن كوشكىن سالدارىنان 32 ادام قازا تاپقانى حابارلانعان ەدى. مىڭداعان تۇرعىن ۇيلەرىن تاستاپ كەتۋگە ءماجبۇر بولدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز