قازاقستاننىڭ حالىق ءارتيسى، قازاقستان رەسپۋبليكاسى مەملەكەتتىك سىيلىعىنىڭ يەگەرى، «حالىق قاھارمانى» نۇرعيسا تىلەنديەۆتىڭ كوزى تىرىسىندە قولىنان تاستاماي، قاستەرلەپ وتكەن دومبىراسىن وتباسى مۇشەلەرى ىقىلاس اتىنداعى مۋزىكالىق حالىق اسپاپتار مۇراجايىنا سالتاناتتى تۇردە تاپسىردى.
- مۇراجايدىڭ ديرەكتورى مىندەتىن اتقارۋشى ەرلىكباي الىمقۇلوۆ تەلەفون شالىپ، «نۇراعاڭنىڭ سۋرەتى تۇر، بىراق دومبىراسى جوق» دەپ حابارلاسقاندا جۇرەگىم قاتتى اۋىرىپ كەتتى. جالپى، نۇراعاڭنىڭ جاقسى كورىپ تارتاتىن ءۇش دومبىراسى بولاتىن. ول كىسى اسپاپتارىن كوپ اۋىستىرا بەرمەيتىن. اكادەميك احمەت جۇبانوۆ سىيلاعان ءبىرىنشى دومبىراسىن «داريعا» دەپ اتادى. ول ۇيدە تۇر.
«سۇلتانىن» اتىراۋ وبلىستىق نۇرعيسا تىلەنديەۆ اتىنداعى كىشى ونەر اكادەمياسى اشىلعاندا ۇلتجاندى ازامات يمانعالي تاسماعامبەتوۆ سۇراتىپ الدىرعان.
بەرمەي قويۋعا قاقىم جوق ەدى. ال ءۇشىنشى دومبىراسىن كۇندەلىكتى جۇمىس ۇستىندە ءجيى پايدالاناتىن. سول قوس ىشەك تالاي مايتالمانداردىڭ مۇراسىن توعىستىرعان وسى كيەلى مۇراجايعا بۇيىرىپ تۇر ەكەن. قيماي-قيماي اكەلدىم. نۇراعاڭنىڭ ءجادىگەرىن حالىق كورسىن، قىزىقتاسىن، ەل-جۇرتتىڭ كوز الدىندا بولسىن، — دەدى داريعا تىلەندىكەلىنى.
شارا سوڭى «كۇمبىرلەپ دومبىراسى نۇراعاڭنىڭ» اتتى مۋزىكالىق كەشكە ۇلاستى.
قانشايىم بايداۋلەت، «ايقىن».
