Qazaqstannyń halyq artısi, Qazaqstan Respýblıkasy Memlekettik syılyǵynyń ıegeri, «Halyq Qaharmany» Nurǵısa Tilendıevtiń kózi tirisinde qolynan tastamaı, qasterlep ótken dombyrasyn otbasy músheleri Yqylas atyndaǵy mýzykalyq halyq aspaptar murajaıyna saltanatty túrde tapsyrdy.
- Murajaıdyń dırektory mindetin atqarýshy Erlikbaı Álimqulov telefon shalyp, «Nuraǵańnyń sýreti tur, biraq dombyrasy joq» dep habarlasqanda júregim qatty aýyryp ketti. Jalpy, Nuraǵańnyń jaqsy kórip tartatyn úsh dombyrasy bolatyn. Ol kisi aspaptaryn kóp aýystyra bermeıtin. Akademık Ahmet Jubanov syılaǵan birinshi dombyrasyn «Darıǵa» dep atady. Ol úıde tur.
«Sultanyn» Atyraý oblystyq Nurǵısa Tilendıev atyndaǵy Kishi óner akademııasy ashylǵanda ultjandy azamat Imanǵalı Tasmaǵambetov suratyp aldyrǵan.
Bermeı qoıýǵa qaqym joq edi. Al úshinshi dombyrasyn kúndelikti jumys ústinde jıi paıdalanatyn. Sol qos ishek talaı maıtalmandardyń murasyn toǵystyrǵan osy kıeli murajaıǵa buıyryp tur eken. Qımaı-qımaı ákeldim. Nuraǵańnyń jádigerin halyq kórsin, qyzyqtasyn, el-jurttyń kóz aldynda bolsyn, — dedi Darıǵa Tilendikelini.
Shara sońy «Kúmbirlep dombyrasy Nuraǵańnyń» atty mýzykalyq keshke ulasty.
Qanshaıym BAIDÁÝLET, «Aıqyn».
