بۇگىن رۋمىنيادا پرەزيدەنتتىك سايلاۋدىڭ ەكىنشى كەزەڭى باستالدى، دەپ حابارلايدى "ادىرنا" ۇلتتىق پورتالى.
Adevărul گازەتىنىڭ مالىمەتىنشە، ەل اۋماعىندا 18 979 سايلاۋ ۋچاسكەسى اشىلعان. ولار استانا ۋاقىتىمەن 23:00-دە جابىلادى.
شەتەلدە تۇراتىن رۋمىن ازاماتتارى ءۇش كۇن بويى داۋىس بەرەدى. العاشقى سايلاۋ ۋچاسكەسى جاڭا زەلانديادا 15 مامىردا اشىلعان.
سايلاۋدىڭ العاشقى تۋرى 4 مامىرىدا ءوتتى. وندا ەڭ كوپ داۋىستى "رۋمىنداردى بىرىكتىرۋ اليانسى" (AUR) ۇلتشىل پارتياسىنىڭ جەتەكشىسى دجوردجە سيميون (41%) مەن بۋحارەست مەرى نيكۋشور دان (21%) جينادى.
2024 جىلعى قاراشادا وتكەن پرەزيدەنتتىك سايلاۋدىڭ ءبىرىنشى تۋرىندا تاۋەلسىز كانديدات كەلين دجوردجەسكۋ كوش باستاعان ەدى. الايدا 6 جەلتوقساندا رۋمىنيانىڭ كونستيتۋتسيالىق سوتى داۋىس بەرۋ ناتيجەلەرىن جويدى. سەبەپ رەتىندە ۇلتتىق قاۋىپسىزدىك جوعارعى كەڭەسىنىڭ قۇپياسىزداندىرىلعان قۇجاتتارى نەگىزىندە ەلەۋلى زاڭبۇزۋشىلىقتاردىڭ تىركەلگەنى ايتىلدى.
2025 جىلدىڭ اقپان ايىنىڭ سوڭىندا دجوردجەسكۋگە التى قىلمىس بويىنشا ايىپ تاعىلدى. ونىڭ ىشىندە سايلاۋالدى ناۋقانىن زاڭسىز قارجىلاندىرۋ جانە جالعان اقپارات تاراتۋ بار. تاۋەلسىز كانديدات رەتىندە سايلاۋعا قاتىسۋ ءۇشىن قۇجات تاپسىرعانىمەن، ورتالىق سايلاۋ كوميسسياسى ونىڭ ءوتىنىشىن قابىلدامادى.
