گەرمانيانىڭ گەسسەن فەدەرالدى ايماعىندا 39 جاستاعى قازاقستان ازاماتىنا قاتىستى اۋقىمدى تەرگەۋ باستالدى، دەپحابارلايدى "ادىرنا" ۇلتتىق پورتالى DW-گە سىلتەمە جاساپ.
كۇدىكتىگە رەسەي مەن بەلارۋسكە ەۋروپالىق وداقتىڭ سانكتسيالارىن بۇزا وتىرىپ، 700-دەن استام قىمبات كولىكتەردى كورشىلەس ەلدەر ارقىلى زاڭسىز ساتتى دەگەن ايىپ تاعىلىپ وتىر. ەكسپورتتالعان كولىكتەردىڭ جالپى قۇنى 25 ميلليون ەۋروعا باعالانۋدا.
كەدەن قىزمەتىنىڭ مالىمەتىنشە، ءتىنتۋ بارىسىندا 1,3 ميلليون ەۋرو تۇراتىن 21 اۆتوكولىك پەن موتوتسيكل تاركىلەنگەن. سونىمەن قاتار كۇدىكتىنىڭ ۇيىنەن زاڭسىز ساقتالعان ەلەكتروشوكەر، مەديتسينالىق جانە دوپينگتىك پرەپاراتتار، سونداي-اق سيرەك كەزدەسەتىن جانە قورعاۋعا الىنعان جانۋارلار قاتارىنا جاتۋى مۇمكىن قولتىراۋىننىڭ باسى تابىلعان.
Bild گازەتىنىڭ دەرەكتەرىنە سۇيەنسەك، كۇدىكتى – قازاقستان ازاماتى جانە زاڭسىز ەكسپورتتىڭ ءبىر بولىگى قازاقستان اۋماعى ارقىلى جۇزەگە اسقان. تاركىلەنگەن كولىكتەردىڭ قاتارىندا BMW مەن Audi ماركالى ماشينالار بار.
قازىرگى تاڭدا وعان 15 جىلعا دەيىن باس بوستاندىعىنان ايىرىلۋ قاۋپى ءتونىپ تۇر. تەرگەۋ جالعاسۋدا.
