بەلسەندى جاستار مەن ەكو ەرىكتىلەر جۇگىرۋگە قاتىسا وتىرىپ، فەدوروۆ سۋ قويماسىنىڭ اۋماعىن تازارتتى. قاراعاندىدا پلوگگينگ-جۇگىرۋ ءوتتى. ول قورشاعان ورتاعا بەي-جاي قارامايتىن 100 قالا تۇرعىندارىن بىرىكتىردى.
– ءبىز ەكولوگيالىق باستامالاردى ءاردايىم قولدايمىز جانە بۇل جارىس قالا تۇرعىندارىمەن بىرگە تابيعي ايماقتاردى تازارتۋدىڭ تاماشا مۇمكىندىگى بولدى. بارشانى وسىنداي شاراعا قاتىسۋعا شاقىرامىن، ويتكەنى تابيعاتقا قامقورلىق – ءبىزدىڭ بولاشاققا دەگەن جاۋاپكەرشىلىگىمىز، – دەيدى وتباسىن قولداۋ ورتالىعىنىڭ ديرەكتورى ياكۋب جامالوۆ.
پلوگگينگ-جۇگىرۋ سپورتتىق ءىس-شارا عانا ەمەس، سونىمەن قاتار ماڭىزدى ەكولوگيالىق اكتسيا: وعان قاتىسۋشىلار ەكوجۇيەنىڭ ماڭىزدى ەلەمەنتى
جانە قالا تۇرعىندارىنىڭ تانىمال دەمالىس ورنى سانالاتىن فەدوروۆ سۋ قويماسىنىڭ جاعالاۋ جيەگىن تازالاپ، قوقىس جينادى.
– فەدوروۆ سۋ قويماسى – بۇل تەك سۋ كوزى عانا ەمەس، قالا ەكوجۇيەسىنىڭ ماڭىزدى نىسانى. بۇگىن ءبىز بىرلەسىپ قالامىزدى تازارتىپ، تابيعاتتى سالاۋاتتاندىردىق. بۇل شارا اركىمگە پلانەتامىزدىڭ تازالىعىن ساقتاۋعا ءوز ۇلەسىن قوسۋعا مۇمكىندىك بەردى، – دەپ اتاپ ءوتتى ەكو ەرىكتى گازيز زۋلحارناي.
جۇگىرۋ قاراعاندى قالاسى اكىمدىگىنىڭ قولداۋىمەن وڭىردەگى ەكولوگيالىق جاعدايدى جاقسارتۋ جانە قورشاعان ورتانى قورعاۋدىڭ ماڭىزدىلىعىنا نازار اۋدارۋ ماقساتىندا «تازا قازاقستان» اكتسياسى اياسىندا ءوتتى.
باسقالارمەن بولىسە
وتىرىڭىز
