Belsendı jastar men eko erıktıler jügıruge qatysa otyryp, Fedorov su qoimasynyŋ aumaǧyn tazartty. Qaraǧandyda plogging-jügıru öttı. Ol qorşaǧan ortaǧa bei-jai qaramaityn 100 qala tūrǧyndaryn bırıktırdı.
– Bız ekologiialyq bastamalardy ärdaiym qoldaimyz jäne būl jarys qala tūrǧyndarymen bırge tabiǧi aimaqtardy tazartudyŋ tamaşa mümkındıgı boldy. Barşany osyndai şaraǧa qatysuǧa şaqyramyn, öitkenı tabiǧatqa qamqorlyq – bızdıŋ bolaşaqqa degen jauapkerşılıgımız, – deidı Otbasyn qoldau ortalyǧynyŋ direktory Iаkub Jamalov.
Plogging-jügıru sporttyq ıs-şara ǧana emes, sonymen qatar maŋyzdy ekologiialyq aksiia: oǧan qatysuşylar ekojüienıŋ maŋyzdy elementı
jäne qala tūrǧyndarynyŋ tanymal demalys orny sanalatyn Fedorov su qoimasynyŋ jaǧalau jiegın tazalap, qoqys jinady.
– Fedorov su qoimasy – būl tek su közı ǧana emes, qala ekojüiesınıŋ maŋyzdy nysany. Bügın bız bırlesıp qalamyzdy tazartyp, tabiǧatty salauattandyrdyq. Būl şara ärkımge planetamyzdyŋ tazalyǧyn saqtauǧa öz ülesın qosuǧa mümkındık berdı, – dep atap öttı eko erıktı Gaziz Zulharnai.
Jügıru Qaraǧandy qalasy äkımdıgınıŋ qoldauymen öŋırdegı ekologiialyq jaǧdaidy jaqsartu jäne qorşaǧan ortany qorǧaudyŋ maŋyzdylyǧyna nazar audaru maqsatynda «Taza Qazaqstan» aksiiasy aiasynda öttı.
Basqalarmen bölıse
otyryŋyz
